Tyias Browning
Tyias Charlz Browning (1994-yil 27-mayda tugʻilgan), shuningdek
Jiang Guangtai nomi bilan tanilgan (xitoycha: 蒋光太), Xitoy Superligasi klubi Guangzhou FC himoyachisi sifatida oʻynaydigan professional futbolchi. Angliyaning Liverpool shahrida tugʻilgan, 2021-yildan beri Xitoy terma jamoasi sharafini himoya qiladi.
Browning markaziy himoyachi sifatida oʻynashdan tashqari, oʻng qanot himoyachisi sifatida ham oʻynay oladi.
Yoshlar jamosi
Browning Angliyaning Liverpool shahrida tugʻilgan. U oʻzining sobiq Wigan Athleticdagi jamoadoshlari Li Nikolls va Jek Fillips bilan bir maktabda oʻqigan. U Xitoy terma jamoasida oʻynash huquqiga ega boʻlgan, buning sababi uning onasi tomonidan bobosi Ying-Ving Chiang (1939—1992), Angliyaning Maklesfild shahrida oshpaz boʻlib ishlagan, Xitoyning Sinxuy okrugidagi Meige qishlogʻidan Angliyaga koʻchib kelgan. Uning ona tomondan bobosi qora tanli britaniyalik ayolga uylangan. 2019-yilda Browning Xitoy fuqaroligini qabul qilgan.
Klubdagi faoliyati
Everton
Browning „Everton“ga 2004-yilda oʻn yoshida kelib qoʻshilgan. Bungacha u „Everton“ga oʻtgunga qadar sakkiz oy davomida mahalliy jamoada oʻynagan. „Everton“ yoshlar jamoasida oʻtganidan soʻng, Browning klub zaxirasida oʻynay boshlagan va u yerda asosiy tarkib oʻyinchisiga aylangan. Keyin u 2010/11-yilgi mavsumda Everton Reservesga U18 Premer-liga chempionligini qoʻlga kiritishda yordam bergan.
Browning klub zahirasida rivojlanib, u yerdagi faoliyati davomida oʻng qanot himoyachisi pozitsiyasida oʻynagan.
Guangzhou Evergrande
2019-yilning 20-fevralida Browning nomaʼlum toʻlov evaziga Xitoy Superligasining „Guangzhou Evergrand“ klubiga oʻtgan. 2019-yilning 5-martida u OChL-2019 doirasida Yaponiyaning „Sanfrecce Hirosima“ jamoasiga qarshi oʻz uyida 2:0 hisobida gʻalaba qozongan holda klub safida debyut qilgan.
Shanghai Port F.C.
2022-yilning 22-avgustida Browning Xitoy Superligasining „Shanhay Port“ klubigaoʻtgan.
Xalqaro faoliyati
Brownning Angliyani 17 yoshgacha, 19 yoshgacha va 21 yoshgacha boʻlgan toifada himoya qilgan.
2010-yilda Browning toʻrt marta, Angliya U17 uchun maydonga tushgan, jumladan, Nordic turniriga chaqirilgan.
2013-yil mart oyida Browning Angliya U19 terma jamoasiga ilk bor chaqiruv olgan va Turkiya U19 terma jamoasi ustidan 1:0 hisobida gʻalaba qozongan. U 19 yoshgacha boʻlgan terma jamoa safida toʻrtta oʻyinda maydonga tushgan.
2014-yilning may oyida Browning birinchi marta 21 yoshgacha boʻlganlar terma jamoasiga chaqirilgan. 2014-yil 22-may kuni Browning Angliya U21 terma jamoasida debyut qilgan va oʻyinda Qatar U21 ustidan 3:0 hisobida gʻalaba qozongan.
Browning 2020-yilda Xitoy terma jamoasiga ilk bor chaqiruv olgan, ammo xalqaro maydondagi debyutini 2021-yil 30-may kuni Guamga qarshi Jahon chempionati saralash oʻyinida oʻtkazgan.
Faoliyat statistikasi
Xalqaro statistika
Manbalar
uz.wikipedia.org