TUYABO’G’IZTEPA — ilk o’rta asrlarga mansub daxmali tepaliklar (milodiy 5— 8-asrlar). Tuyabo’g’iz suv ombori (Toshkent dengizi)ning shimoliy g’arbiy qirg’og’i yaqinida, O’rtaboz degan joyda joylashgan. 1959—61 yillarda (T. A’zamxo’jayev) o’rganilgan. Daxmalar tepalik ko’rinishida, bo’yi 2 metr, diametri 15— 20 metr bo’lgan. Ba’zi daxmalar katakombali inshootlar bo’lib, 2,6×2 metrli xonalarga ajratilgan. Mehnat qurollari, sopol idishlar, temir pichoq, tanga, marjon, chig’anoqlar chiqqan. Ba’zi daxmalardan nauslar ochilgan. Ulardan tartibsiz suratda qo’yilgan, tsilindr shaklidagi ossuariy va skeletlar topilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish