Tutqunlik
Tutqunlik — Kinematografiya agentligi buyurtmasiga asosan „Mehr operatsiyasi“ voqealari asosida rejissyor Rashid Malikov tomonidan 2021-yilda suratga olingan drama janriga oid badiiy film. Film epizodlarining barchasi pandemiya tufayli Oʻzbekistonda suratga olinishiga qaror qilingan, yaʼni Suriyadagi jang sahnalari ham mazkur mamlakat hududida suratga olingan. Tasvirga olish jarayonlarining asosiy qismi Buxoroda boʻlib oʻtgan.
Mazmuni
Kinokartinada asosan, turli vaziyatlar bilan Suriyaga borib qolgan insonlar, oilalar taqdiriga urgʻu beriladi. Yaqin Sharqga ish izlab borgan yosh feldsher yigit, erining orqasidan borishga majbur boʻlgan va uni yoʻqotib qoʻygan ayol, ota-onasi Suriyaga olib ketgan 11 yoshli oʻspirin yigitcha kabi qahramonlar taqdiri haqida hikoya qilinadi. Qahramonlarning hech biri oʻz qidirgan narsasini topa olmaydi katta talofatlar koʻradi, shundan soʻng Oʻzbekiston tomonidan tashkil etilgan maxsus topshiriq yaʼni „Mehr operatsiyasi“ yordamizda Oʻzbekistonga qaytariladi.
Film premyerasi boʻlib oʻtgan vaqt va telekanallar
Filmning Oʻzbekistonda premyerasi 2021-yil 30-sentabr kuni “Ipak yoʻli durdonasi” XIII Toshkent xalqaro kinofestivali doirasida boʻlib oʻtgan.
Quyidagi jadvalda film premyerasi boʻlib oʻtgan sana vaqt va telekanallar roʻyxati maxsus tartib asosida keltirilgan:
Film haqida fikrlar
Rejissyorning film haqida fikrlari
Tanqid
Oʻzbekiston xalq artisti Dilorom Karimova „Tafakkur“ jurnalida chop etilgan suhbatida bugungi oʻzbek kinosida mazmun qolib, „piar“ ketidan quvilayotganini tanqid qildi. Jumladan, „Tutqunlik“ filmi gʻoyasini yuzaki, voqealarini ishonarsiz deb atadi
Mukofotlari
2021-yilning 8—12-noyabr kunlari Turkiyada „Korkut Ata“ turkiy tilli davlatlar xalqaro kinofestivalida Rashid Malikovning ushbu filmi hayʼat aʼzolarining maxsus mukofoti bilan taqdirlandi. Kinematografiya agentligi buyurtmasiga binoan suratga olingan ushbu film Rossiya Federatsiyasida boʻlib oʻtgan „Volokolamskiy rubej“ harbiy-vatanparvarlik kinofestivalida „Gran-pri“ bosh sovrini bilan taqdirlangan.
Havolalar
Manbalar
uz.wikipedia.org