Tursunposhsha Nurmetova
Tursunpashsha Baxramovna Nurmetova (1996-yil 17-yanvar, Xorazm viloyati, Oʻzbekiston) — o‘zbekistonlik paralimpiya dzyudochisi, 63 va 70 kilogrammgacha bo‘lgan vazn toifasida ishtirok etadi. 2016-yilgi yozgi Paralimpiya o‘yinlarining bronza medali sovrindori, Osiyo chempionati g‘olibi va jahon chempionati bosqichi sovrindori.
Sport faoliyati
2011-yilda u Kiyevda (Ukraina) bo‘lib o‘tgan dzyudo bo‘yicha yoshlar o‘rtasidagi jahon chempionatida ishtirok etgan, biroq u yerda medal sohibasi bo‘la olmagan. 2012-yilda u dzyudo bo‘yicha mamlakat chempionatida beshinchi o‘rinni egalladi. Ammo O‘zbekiston kubogida o‘z vazn toifasida kumush medalni qo‘lga kiritishga muvaffaq bo‘ldi. 2013-yilda dzyudo bo‘yicha yoshlar o‘rtasidagi Osiyo chempionatida bronza medalini, kelasi yili esa Tursunposhsha mamlakat chempionatida bronza medalini qo‘lga kiritdi.
2015-yilda Eger shahrida (Vengriya) ko‘zi ojizlar va zaif ko‘ruvchilar o‘rtasida o‘tkazilgan dzyudo bo‘yicha jahon kubogi bosqichida 63 kilogrammgacha bo‘lgan vazn toifasida oltin medalga sazovor bo‘ldi. O‘sha yili Seuldagi (Koreya Respublikasi) ko‘zi ojizlar va zaif ko‘ruvchilar o‘rtasidagi Butunjahon o‘yinlarida dzyudo bo‘yicha 63 kg gacha bo‘lgan vazn toifasida bronza medalini olishga muvaffaq bo‘ladi.
2016-yilda Rio-de-Janeyroda (Braziliya) o‘tkazilgan Yozgi Paralimpiya o‘yinlarida 63 kg gacha bo‘lgan vazn toifasida u bronza uchun kurashda shved dzyudochisi Nikolina Pernxaymni mag‘lub etib, bronza medaliga egalik qildi. Ushbu joriy yilda Nurmetova O‘zbekiston prezidenti Shavkat Mirziyoyev farmoni bilan “Jasorat” medali bilan taqdirlandi .
2017-yili Toshkent shahrida dzyudo bo‘yicha ko‘zi ojizlar va zaif ko‘ruvchilar o‘rtasidagi Osiyo chempionatida 63 kilogrammgacha bo‘lgan vazn toifasida u finalda koreyalik dzyudochi Jin Song Lini ustidan g‘alaba qozonib, oltin medalni qo‘lga kiritadi .
Manbalar
uz.wikipedia.org