Tursunoy Mamedova

Tursunoy Sotiboldiyevna Mamedova (1941.14.10, Uchqoʻrgʻon tumani — 1996.4.5, Namangan) — xonanda. Oʻzbekiston xalq artisti (1991). Namangan teatri (1957—62 va yana 1972-yildan) da, 1962—72 yillar Muqimiy teatrida ishlagan. "Singillar kissasi" spektaklidagi Iqbol uning sahnada yaratgan ilk obrazidir. M. murakkab obrazlarning eng nozik qirralarini, ichki kechinmalarini tomoshabinga taʼsirli kilib tasvirlagan. M.ning aktyorlik mahorati Omina ("Sindirilgan koʻza"), Mo-him ("Tohir va Zuxra"), Oftob ("Mashrab"), Sanobar ("Hamza"), Ajar ("Suymaganga suykanma"), Zebi ("Xolisxon"), Oqqiz ("Ravshan va Zulxumor"), Joʻraxon ("Fargʻona hikoyasi"), Gulshan ("Guli siyoh"), Oysuluv ("Jon qizlar"), Manzura ("Gavhari shamchiroq") va boshqalarda, ayniqsa, "Yusuf va Zulayho" musiqali dramasidagi Zulayhoda, dramatik mahorati esa I. Drutsening "Kase Mare" psixologik dramasidagi Vasilutseda alohida namoyon boʻldi. M.,shuningdek, "Bobur" videofilmida Bobur mirzoning onasi — Qutlugʻnigor, "Kecha va kunduz" videofilmida Xadicha kabi rollarni ijro etgan. U xalq qoʻshiklari, lapar va termalarni oʻz doirasi joʻrligida aytishda yetakchi ijrochilardan boʻlgan. "Ishqingni avayla", "Laylomisan san", "Dilda ishqing" kabi ashulalari bilan tanilgan.

Manbalar

uz.wikipedia.org