Tursinxon Xudayberganov
Tursinxan Aydarovich Xudaybergenov (1951-yil 20-may, Toshkent) — Oʻzbekiston Respublikasi Prezidentining davlat maslahatchisi (2001—2006-yillarda va 2016-yildan hozirgi kunga qadar). Oʻzbekiston Respublikasi Favqulodda vaziyatlar vaziri (2010—2016- va 2018—2022-yillarda), Oʻzbekiston Respublikasi mahalla va nuroniylar masalalari vaziri (2022-yil 1-mart), Oʻzbekiston Respublikasi Oliy Majlisi Senatining aʼzosi (2005—2010-yillarda va 2020-yildan).
Biografiyasi
Tursinxon Xudayberganov 1951-yil 20-may kuni Toshkent viloyatida tugʻilgan. Millati — qozoq.
Taʼlim
1969—1973-yillarda Nizomiy nomidagi Toshkent davlat pedagogika universiteti talabasi, 1980—1982-yillarda SSSR Ichki ishlar vazirligi akademiyasi tinglovchisi.
Mehnat faoliyati
1968—1969-yillarda Chinoz tumanidagi 20-oʻrta maktab direktori oʻrinbosari.
1973—1980-yillarda Chirchiq shahar ichki ishlar boʻlimi voyaga yetmaganlar bilan ishlash boʻlinmasi inspektori, boʻlinma boshligʻi.
1982—1987-yillarda Boʻka tumani ichki ishlar boʻlimi boshligʻi.
1987—1989-yillarda Toshkent viloyati ichki ishlar boshqarmasi jamoat tartibini saqlash xizmati boshligʻi.
1989—1991-yillarda Toshkent viloyati ichki ishlar boshqarmasi boshligʻining oʻrinbosari.
1991—1997-yillarda Toshkent shahar ichki ishlar bosh boshqarmasi boshligʻining birinchi oʻrinbosari.
1997—2001-yillarda Xorazm viloyati ichki ishlar boshqarmasi boshligʻi.
2001—2006-yillarda Oʻzbekiston Respublikasi Prezidentining huquqni muhofaza qiluvchi va nazorat idoralarining faoliyatini muvofiqlashtirish boʻyicha davlat maslahatchisi.
2005—2010-yillarda Oʻzbekiston Respublikasi Oliy Majlisi Senatining aʼzosi.
2006-yil qisqa muddat Oʻzbekiston Respublikasi Ichki ishlar vazirining oʻrinbosari.
2006—2010-yillarda Fargʻona viloyati Ichki ishlar boshqarmasi boshligʻi.
2010—2016-yillarda Oʻzbekiston Respublikasi Favqulodda vaziyatlar vaziri.
2016-yil 20-dekabrdan — Oʻzbekiston Prezidentining Fuqarolar murojaatlari bilan ishlash masalalari boʻyicha davlat maslahatchisi.
2018—2022-yillarda Oʻzbekiston Respublikasi Favqulodda vaziyatlar vaziri vazifalarida faoliyat olib borgan.
2020-yildan Oʻzbekiston Respublikasi Oliy Majlisi Senatining aʼzosi.
2022-yildan — Oʻzbekiston Respublikasi mahalla va nuroniylar masalalari vaziri vazifasida ishlab kelmoqda.
Mukofotlari
Tursunxon Xudoyberganov 2021-yilda Oʻzbekiston Respublikasida xizmat koʻrsatgan yoshlar murabbiysi faxriy unvoni bilan mukofotlangan
Oilasi
Oʻgʻli Xudayberganov Artik Tursinxanovich, Toshkent viloyati ichki ishlar bosh boshqarmasi boshligʻining birinchi oʻrinbosari.
Manbalar
uz.wikipedia.org