Turklarning zafar bayrami

Gʻalaba kuni (turkcha: Zafer Bayramı), shuningdek, Turk Qurolli Kuchlari kuni (turkcha: Türk Silahlı Kuvvetleri Günü). Turkiyada 1922-yil 30-avgustda Dumlupinar jangidagi hal qiluvchi gʻalaba xotirasiga bagʻishlangan bayramdir. Shimoliy Kiprda ham nishonlanadi.

Tarixi

Bayram 1922-yil 30-avgustda yunon-turk urushidagi soʻnggi jang boʻlgan Dumlupinar jangidagi hal qiluvchi gʻalabaga bagʻishlanadi. Jangdan keyin yunonlarning Anadoludagi hukmronligi tugadi. G‘alaba kuni 1926-yildan buyon rasmiy bayram sifatida nishonlanib kelmoqda. Birinchi marta 1923-yil 30-avgustda nishonlangan.

Anʼanalar

Gʻalaba kuni butun Turkiya va Shimoliy Kiprda nishonlanadi. Turk Qurolli Kuchlarining ham bayramidir. Asosiy bayram Anqaradagi Anitkabirda boʻlib oʻtadi. U yerda Turkiya prezidenti rasmiy gulchambar qoʻyish marosimidan soʻng nutq soʻzlaydi. Istanbuldagi Harbiy Akademiyada ham tantanali marosim oʻtkazilib, barcha harbiy tadbirlar shu kuni amalga oshiriladi. Mamlakatning yirik shaharlarida paradlar oʻtkaziladi, Anqara ham bayram sharafiga milliy paradga mezbonlik qiladi. 30-avgust kuni Turkiyada harbiy maktablarning bitiruv marosimi bo‘lib o‘tadi. Turk yulduzlari harbiy samolyotlari Dumlupınar ustida havo koʻrgazmasi namoyish etadi. Kechqurun yirik shaharlarda Qurolli Kuchlarning erkak va ayollarini tabriklash maqsadida bayram konsertlari o‘tkaziladi. Oliy Bosh qoʻmondon vazifasini bajaruvchi Turkiya Prezidenti Prezidentlik majmuasida tadbir oʻtkazadi.

Bayram galereyasi

Manbalar

Andoza:Public holidays in Turkey

uz.wikipedia.org