Turdiyev Amin

Amin Turdiyev (1910.10.8 Toshkent — 1978.13.3) — aktyor, rejissyor Oʻzbekiston xalq artisti (1955). Toshkent pedagogika bilim yurtini tugatgan (1927). Moskva Badiiy teatri qoshidagi rejissyorlik kursida oʻqigan (1947). Internatda,soʻng "Urfon" maktabi qoshidagi drama toʻgaragida qatnashib, "Baxtsiz kuyov" spektaklida kuyov rolini oʻynagan. Aktyorlik faoliyatini Hamza teatri krshidagi Ishchisayyor teatrida boshlagan (1929— 32), soʻng asosiy truppaga (1932—33) oʻtgan. "Hujum" (Yan, Choʻlpon)da Sartarosh (Eshon), "Halima" (Gʻ.Zafariy)da Hammol va Bibiniso kampir, "Arslon" (Fitrat)da dehqon yigit rollarida chiqqan. Samarqand, Namangan viloyat teatrlarida badiiy rahbar (1934—37), Andijon teatrida bosh rejissyor (1951—52), Yosh tomoshabinlar teatrida badiiy rahbar (1963—67). T.ning hayoti va ijodi Hamza teatri bilan chambarchas bogʻliq boʻlib, 1939—51, 1952— 63 va 1967—78 yillar shu teatrda aktyor, rejissyor sifatida faoliyat koʻrsatgan. Ikkinchi jahon urushi davrida "Jaloliddin" (M. Shayxzoda) spektaklida Chingizxon obrazini yaratgan. Umuman, aktyor sifatida T.ning mahorati salbiy va xarakterli obrazlar talqinida yorqin namoyon boʻlgan. Zargarov (A.Qahhor, "Ogʻriq tishlar"), Husayn Boyqaro (Uygʻun, I.Sultan, "Alisher Navoiy"), Kassio (U.Shekspir, "Hamlet"), Jon Robertson (Yu.Krotkoye, "Jon — tinchlik askari"), Abdusalom (E.Vohidov, "Oltin devor") kabi yaratgan obrazlarida tashqi qiyofasiga, qahramonlarning xattiharakati, yurishturishiga, nutk,iga katta eʼtibor bergan. Sahna nutqidagi mahorati tufayli u koʻp yillar N.Rahimov bilan "Tabassum" radiojurnalini olib borgan. Rejissyor sifatida milliy teatrda "Burgutning parvozi" (I.Sulton; I.Bersenev bilan hamkorlikda), "Kechirilmas gunoxlar" (I. Oʻktamov), "Shamsiqamar" (M. Abliyev), "Turkiya haqida hikoya" (N.Hikmat; A.Ginzburg bilan hamkorlikda) spektakllarini saqnalashtirgan. T. kinoda ham esda qolarli obrazlar yaratdi (Rais, "Stadionda uchrashamiz"; Qodirqul mingboshi, "Boy ila xizmatchi"; Beklarbegi, "Furqat" va boshqalar).

Manbalar

Havolalar

uz.wikipedia.org

Sun'iy intellekt javobi:

Turdiyev Amin haqida aniq ma'lumot bermaguningcha, umumiy ma'lumot yoki kontekst haqida soʻrab bilishga yordam bera olaman. Agar Turdiyev Amin shaxsiy, ilmiy, madaniy yoki boshqa sohada taniqli bo‘lsa yoki siz unga oid ma’lum bir mavzu haqida ma’lumot so‘rayotgan bo‘lsangiz, iltimos, ko‘proq tafsilot bering. Shunda sizga yaxshiroq yordam bera olaman.

Siz quyidagi savollar bo‘yicha ma’lumot so‘rashingiz mumkin:

Turdiyev Amin kim?
Turdiyev Aminning faolyati yoki kasbi qanday?
Turdiyev Amin haqida biografik ma'lumot.
Turdiyev Aminning ilmiy yoki ijodiy ishlari haqida.

Iltimos, aniqroq so‘rov yuboring.