Turbo
Turbo 2013-yilda katta ekranlarga chiqqan, DreamWorks Animation mahsuloti boʻlgan hamda 20th Century Fox tomonidan tarqatilgan komedik janridagi Amerika kompyuter-animatsion filmidir. Filmga ovoz bergan aktyorlar sirasiga Ryan Reynolds, Paul Giamatti, Michael Peña, Snoop Dogg, Maya Rudolph, Michelle Rodriguez va Samuel L. Jackson kirishadi.
Film $127 millionlik budjeti bilan umumjahon boʻylab $282.5 million daromad qildi. Shuningdek, film asosida Turbo Fast animatsion teleseriali ham ishlandi va bu multserial ilk bor Netflix orqali 24-dekabr 2013-yilda efirga uzatildi.
Rotten Tomatoes kinotanqid saytida Turbo haqida 114 maqola yigʻilib, ulardan 67 foizi filmni ijobiy baholaydi.
Film animator Nicholas Sanger Hoppega bagʻishlangan, u film chiqarilishidan avval miya saratoni tufayli vafot etgan.
Mazmuni
Los Angeles shtatining Van Nuys shahridagi bir pomidor bogʻidagi Theo (talaffuzi: Teo; oʻzini „Turbo“ deb ataydi) dunyodagi eng yaxshi poygachi boʻlishni orzu qiladigan bir bogʻ shilliqurtidir, uning qahramoni — Indy 500 chempionati besh karra gʻolibi Guy Gagné boʻlgan. Biroq, u tezlik bilan band boʻlgan xayoli bilan boshqa sekin harakatlanuvchi va ehtiyotkor shilliqurtlar hamjamiyatidan ajralib turardi va buning ortidan doimo akasi Chetni xijolatga qoʻyardi. Kechalarning birida, Theo yulduzni koʻrish uchun avtostradaga yoʻl oladi, keyinchalik uning samolyot ekanligini biladi. Keyinchalik, uning DNKsi tasodifan Chevrolet Camaro drag-reyser superchargeri bilan birlashadi. Bu kunisiga ertalab, u supertezlik va baʼzi haqiqiy mashina xarakteristikasiga ega boʻlib uygʻonadi. Biroq, uning yangi qudratini sinab koʻrishga boʻlgan birinchi urinishi, bir bolaning uch oyoqli velosipedini shilliqurtlar yashaydigan bogʻga urib yuborishi bilan tugaydi, natijada u va akasi Chet bogʻ jamoasidan chetlatiladi.
Ovoz berganlar
Relizi
Manba : IMDb.com
Musiqasi
Turbo: Music from the Motion Picture bu filmning saundtrekidir. Film uchun Henry Jackman tomonidan bastalangan ushbu saundtrek 16-iyul 2013-yilda Relativity Music Group shirkati tomonidan chiqarilgan. Saundtrek deluks versiyasida chiqarilganida, qoʻshimcha yana 11 ta qoʻshiqni oʻz ichiga olgan. Snoop Dogg filmdagi Smoove Move qahramoniga ovoz bergan boʻlib, film saundtrekiga ham oʻz hissasini qoʻshadi, jumladan „Let the Bass Go“ ashulasini ijro etgan.
Manbalar
Havolalar
uz.wikipedia.org