Tulsi Kumar
Tulsi Kumar Dua xalq orasida
Tulsi Kumar nomi bilan tanilgan hind ijrochisi, musiqachi va Bollywood sanoatidagi aktrisadir. U T Series egasi boʻlgan biznesmen Gulshan Kumar va uning rafiqasi Sudesh Kumari oilasida tugʻilgan. U kino prodyuseri Bhushan Kumar va aktrisa Khushali Kumarning singlisi. U, shuningdek, T-Series yozuvlar yorligʻiga tegishli YouTubeda Kids Hut kanaliga ega boʻlib, bu kanal bolalar uchun qoʻshiqlar va hikoyalarni oʻz ichiga olagan.
2009-yilda uning Love ho Jaaye debyut albomi chiqgan. Albom bilan birga Kumar titul trekka klip suratga olgan. Shuningdek, u Paathshaala filmidagi Mujhe Teri va Once upon a Time in Mumbai filmidagi Tum Jo Aaye qoʻshiqlarini kuylagan.
U 2015-yilda „Mainu Ishq Da Lagya Rog“ qoʻshigʻini kuylagan, singlisi Xushali shu qoʻshiq orqali ekrandagi debyutini qilgan. Bu Dil Hai Ke Manta Nahin filmidagi asl qoʻshiqning qayta yaratilgan versiyasidir.
Kumar 2016-yilda „Soch Na Sake“, „Sanam Re“, „Nachange Sari Raat“, „Ishq Di Latt“, „Salamat“, „Dekh Lena“, „Wajah Tum Ho“, „Dil Ke Pass“ va „Dil Mein“ qoʻshiqlarini kuylagan.
2020-yilda, COVID-19 blokirovkasi paytida u Tere Naalda Darshan Raval, Naamda Millind Gaba bilan hamkorlik qilgan bir nechta qoʻshiqlarini chiqargan. Uning Tanhaai blockbuster singli T-Series rasmiy YouTube kanalida chiqqan va YouTubeda 11 milliondan ortiq tomosha qilingan.
2021-yilda Kumar Jubin Nautiyal bilan birgalikda kuylangan "Pehle Pyaar Ka Pehla Gham" singlini chiqargan. Klipda Part Samthaan va oʻzining singlisi Xushali suratga tushgan. 2021-yil fevral oyida u Nautiyal bilan birgalikda Himansh Kohli va Sneha Namanandi ishtirokida yangi „Main Jis Din Bhula Doon“ qoʻshigʻini chiqargan.
U 2021-yil fevral oyida Indie Hai Humning 2-mavsumini boshlovchilik qilgan.
Maqtovlari
Kumar bir qancha mukofotlarga sazovor boʻldi, shu jumladan, 2017-yilda „Soch Na Sake“ qoʻshigʻi uchun Xalqaro Hindiston Film Akademiyasining „Eng yaxshi ayol qoʻshiqchi“ mukofoti, 2017-yilda „Soch Na Sake“ filmi uchun tinglovchilar tanlagan „Yilning eng yaxshi qoʻshigʻi“ sifatida Mirchi musiqa mukofotini qoʻlga kiritgan. Kabir Singhga saundtreki uchun „2020-yilning eng yaxshi albomi“ sifatida Music Awards mukofotini olgan. U, shuningdek, 2010 va 2019-yillarda IIFA mukofotlarida „Eng yaxshi ayol ijrochi qoʻshiqchisi“ nominatsiyasiga nomzod boʻlgan.
Diskografiyasi
Manbalar
uz.wikipedia.org