TUGANAK

---

TUGANAK (tuber) — o’simlik ildizpoyasining yer ostidagi yo’g’onlashgan qismi. Tuganakning bargi reduktsiyalangan (juda mayda), tez to’kiladigan qipiq (tangacha)li; barg qo’ltig’idan chiqadigan kurtaklari ko’zchalar deb ataladi. Ko’pincha, ildizning yo’g’onlashgan qismi ildiz Tuganak deb yuritiladi (kartoshkagul). Tuganakda oziq moddalar, ko’pincha, kraxmal va uglevodlar, ba’zan, moy to’planadi. Tuganagi iste’mol qilinadigan yoki sanoatda ishlatiladigan o’simliklar (kartoshka, topinambur, batat va boshqalar) tuganak mevalilar deyiladi.

Manba

---

O'zbekiston Milliy Ensiklopediyasi