Tufayl ibn Amr Davsiy

Tufayl ibn Amr Davsiy (arab. الطفيل بن عمرو الدوسي) (633-yilda vafot etgan) islomgacha bo‘lgan davrda Tihomadagi Banu Davs qabilasining boshlig‘i edi.

Hayoti

U milodiy 622-yilda hijratdan taxminan to‘rt yil oldin Islomni qabul qilgan va o‘z qabiladoshlari orasida islomni yoyishda yordam bergan. Ridda urushlari paytida u o‘z xalqini yolg‘onchi Musaylamaga qarshi kurashda boshqargan. Tufayl ibn Amr Yamoma jangida shahid bo‘lgan.

Hadis kitoblarida rivoyat qilinishicha, u har doimgidek Makkaga hajni ado etish uchun safar qilganida, makkaliklar uni Muhammad alayhissalomga yaqinlashmaslik va unga quloq solmaslik haqida ogohlantirganlar. Ular unga Muhammad alayhissalomni sehrgar deb aytishgan. Tufayl tavof qilayotgan vaqtda Muhammad alayhissalomning Qur’on tilovat qilayotganlarini ko‘rib, quloqlariga paxta tiqib olgan. Keyin esa, Tufayl qiziqib, o‘zini qabilasining boshlig‘i, aqlli odam ekanini yodga olgan va qanday qilib sehrgar uni qo‘lga olishi mumkin deb o‘ylagan. So‘ngra paxtani olib tashladi va Muhammad alayhissalomga yaqinlashib, Qur’onni tingladi.

Manbalar

uz.wikipedia.org