TSOKOL (italyancha zoccolo) — 1) bino, inshoot devorining, ustun, haykal va boshqalarning pastki qalinlashgan qismi; poydevoryait davomi, ya’ni yer sirtidan chiqib turadigan qismi. Tsokol pishiq g’isht, beton yoki temir-beton bloklardan ishlanadi. Binoga alohida ko’rk berish maqsadida granit, marmar va boshqa materiallar bilan qoplanadi; 2) elektrotexnika va radiotexnikada — elektron yoki ion asboblar — cho’g’lanma lampalar, lyuminessent lampalar, elektron lampalarning pastki konstruktiv qismi. Lampani patron, lampa paneli (korpusi)ga o’rnatish va lampa ichida joylashgan elementlar (cho’g’lanma simlar, elektrodlar)ni tashki elektr zanjiriga ulash uchun xizmat qiladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish