TSERUSSIT
TSERUSSIT, oq qo’rg’oshin rudasi — karbonatlar sinfiga mansub mineral, qo’rg’oshin karbonati. Kimyoviy tarkibi RSO3; oz miqdorda sa, Zn, Sr, Mg aralashgan bo’ladi. Romb singoniyada kristallanadi. Aragonitning strukturaviy analogi. Kristallari psevdogeksagonal-dipiramidal, ustunsimon va boshqa shakllarda. Donador, kukunsimon, tolasimon agregatlar hosil qiladi. Rangsiz, oq, kulrang, qora, kamdan-kam qo’ng’ir, ko’k, yashil tusda. Olmosdek, ba’zan shishasimon yaltiraydi, shaffof. Qattiqligi 3-3,5, zichligi 6,4—6,6 g/sm3. Juda mo’rt. Qo’rg’oshinli tomirlarning yer sathiga yaqin zonalarida karbonatli suvlarning galenitga ta’siri natijasida hosil bo’ladi. Sinonimi: akruzit, qo’rg’oshin shpati. Qo’rg’oshin olinadigan ruda hisoblanadi. Tserussit 10-11-asrlardan ma’lum bo’lib, qo’rg’oshinning oson ishlov beriladigan rudasi sifatida foydalanilgan. RF (Oltoy), Qozog’iston, AQSh va Avstraliyada konlari bor. O’zbekistonda Qo’rg’oshinkon, Lochinkon, Janubiy Darboza konlarida topilgan.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz