TSENTROMERA
TSENTROMERA (lotincha centrum, kentro va meros — bo’lak, qism), kinetoxor — mitoz yoki meyoz bo’linishda xromosomalarning qutblarga siljishini ta’minlovchi qismi. Tsentromeraga bo’linish duki ipchalari (mikronaychalar) birikadi. Xromosomalar Tsentromeraning joylashgan o’rni bilan bir-biridan farq qiladi; bundan xromosomalarni tasnif qilishda foydalaniladi. Tsentromeraning joylashishiga qarab yelkalar (telomerlar) uzunligi o’zgaradi. Tsentromeraning joylashgan o’rniga ko’ra xromosomalar akrosentrik, metasentrik, submetasentrik bo’ladi. Tsentromera joyining o’zgarishidan xromosoma mutatsiyalarini aniqlashda foydalaniladi.
Manba
O'zbekiston Milliy Ensiklopediyasi
Uzpedia.uz