Trevor Noah

Trevor Noah (talaffuzi: Trevr Noa; 1984-yil 20-fevralda tugʻilgan) — janubiy afrikalik komik, yozuvchi, prodyuser, siyosiy sharhlovchi, aktyor va sobiq teleboshlovchi. 2015—2022-yillar orasida Comedy Central telekanalida efirga uzatiluvchi tungi tok-shou, satirik yangiliklar dasturi — The Daily Showda boshlovchi. Noah turli mukofotlarga, jumladan, 11 ta nominatsiya boʻyicha Primetime Emmy mukofotiga sazovor boʻlgan. 2017- va 2018-yillarda The Hollywood Reporter tomonidan „Nyu-York media olamining 35 nafar eng kuchli shaxsiyati“ roʻyxatiga kiritilgan. 2018-yilda Time jurnali tomonidan dunyodagi eng nufuzli yuz kishidan biri deb eʼtirof etilgan. 2023-yilda Erasmus mukofotini qoʻlga kiritgan.

Yoxannesburgda tugʻilganligi sabab oʻz faoliyatini 2002-yilda vatani Janubiy Afrikada boshlagan. Janubiy Afrika radioeshittirish korporatsiyasi (JARK) koʻrsatuvlarida bir necha bora boshlovchilik qilgan. 2008-yilda Janubiy Afrikaning Strictly Come Dancing musobaqasi toʻrtinchi mavsumida ikkinchi oʻrinni egallagan. 2010-yildan 2011-yilgacha M-Net va DStvda efirga uzatilgan Tonight with Trevor Noah tok-shousi mezboni va muallifi.

2014-yilda The Daily Showning katta xalqaro muxbiri maqomiga ega chiqdi. 2015-yilda ushbu shouda uzoq vaqtdan beri boshlovchilik qilib kelayotgan Jon Stewardning oʻrnini egalladi.

Born a Crime nomli avtobiografik komik kitobi 2016-yilda chop etilgan. 63-, 64- va 65-Grammy yillik mukofoti hamda 2022-yilda Oq uy muxbirlarining kechki ovqatida boshlovchi boʻlgan.

Shaxsiy hayoti

Nuh ingliz, janubiy soto, zulu, xosa, tsvana, tsonga va boshqa mahalliy afrika tillarida gapira oladi. Noah diqqat yetishmasligi va giperaktivlik sindromidan aziyat chekadi. Hozirda Nyu-York shahrida istiqomat qiladi.

Trevor Noah

Shaxsiy hayoti

Filmografiyasi

Televizion rollari

Kitoblari

Audiokitoblari

Yana qarang

Manbalar

Havolalar