Two Prudential Plaza

Two Prudential Plaza – 64 qavatli osmonoʻpar bino boʻlib, Illinoys shtati, Chikagoning Loop hududida joylashgan. Balandligi 303 metrni tashkil etadi. 2022-yil holatiga koʻra Two Prudential Plaza binosi Chikagodagi yettinchi eng baland bino va AQShdagi eng baland 28-bino hisoblanadi. 1990-yilda qurilgan bino dizayini Loebl Schlossman Hackl firmasi tomonidan ishlab chiqilgan. Stiven T. Wright dizayn uchun mas’ul boʻlgan. Bino 8 ta mukofotga sazovor boʻlgan, jumladan 1995-yilda Illinoys Strukturaviy muhandislar assotsiatsiyasining „Eng yaxshi tuzilma“ mukofotini qoʻlga kiritgan.

Tarixi

Qurilish 1988-yilda boshlangan va Two Prudential Plaza 1990-yilda yakunlangan. Qurilish tugallanganda Two Prudential dunyodagi eng baland temir-beton bino boʻldi. Uning oʻziga xos shakli shimoliy va janubiy tomonlarida bir-biriga oʻralgan toʻsiqlari hisoblanadi.

Bino 1992-yildan One Prudential Plaza (ilgari Prudential Building deb nomlangan).

2006-yil may oyida Los-Anjelesda joylashgan BentleyForbes investitsiya firmasi investori Frederik Wehba tomonidan Two Prudential Plaza va One Prudential Plaza 470 million dollarga sotib olindi.

Ijarachilar

Kanadaning Chikagodagi Bosh konsulligi Suite 2400 da joylashgan Binoning Lake Street plazasida Kanada bayrogʻi va AQSh bayrogʻi bilan birga hilpiraydi.

Audacy toʻqqizinchi va oʻn ikkinchi qavatlarni, jumladan WBBM, WBBM-FM, WBMX, WXRT, WUSN, WSCR va WCFSni egallaydi.

2018-yil iyul oyida Chicago Tribune va Tribune nashriyotlari Tribune minorasini tark etgandan beri Two Prudential Plaza binosi bu nashriyotlarning bosh ofisi hisoblanadi.

Ommaviy madaniyatda

Bino 1994-yilda Richie Rich filmida Rich Industries Inc. sifatida paydo boʻladi.

Galereya

Manbalar

uz.wikipedia.org