TAYBEY

TAYBEY — Xitoydagi shahar. Tayvan orolining shimol qismida. Tayvan provintsiyasining ma’muriy markazi. Aholisi 2,64 million kishi (1999). Transport yo’llari tuguni. Xalqaro ahamiyatga ega 2 ta aeroporti bor. Taybey Szilun avanporti bilan birgalikda yagona sanoat kompleksini tashkil etadi. Taybey — orolning eng katta shahri va yirik sanoat markazi. Mashinasozlik (kemasozlik, radioelektronika), metallurgiya, kimyo, tsement, yog’ochsozlik, qog’oz, yengil va oziqovqat sanoatlari korxonalari mavjud. Xvakang, milliy saroy muzeylari, Chan Kayshi memoriali bor.

Manba

O'zbekiston Milliy Ensiklopediyasi