TAVQA, Tauke — qozoq xoni (1680— 1718). Xon hokimiyatini mustahkamlashda oliy mulkdor tabaqa — sultonlarni kuchsizlantirish uchun biylarga tayangan. Tavqa davrida tuzilgan “Jeti Jarg’i” (“Yetti yorg’u”) qonunlari rus tarixida “Tauke qonunlari” nomi bilan mashhur. Bu qonun bir qancha odatlarni (qonli o’ch olish, ayollarning tengsizligi va boshqalar) rasmiylashtirgan. Tavqaning xon hokimiyatini mustahkamlash yo’lidagi harakatlari zoe ketgan, qozoq xonliklari parchalangan holda qolgan. Jung’arlar istilosi xavfi ostida, Pyotr I ning Sharqiy siyosatining faollashuvi, xo’jalik aloqalarining mustahkamlanishi natijasida Tavqaning Rossiya bilan aloqalari kuchaygan. 1716 yil Tavqa jung’arlarga qarshi kurashda yordam so’rab Rossiyaga murojaat qilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish