TAKSON
TAKSON — o’zaro qarindoshlik munosabatlari bilan bog’langan va boshqa guruhlardan alohidalangan muayyan taksonomik kategoriyalar: tur, urug’, oila va b.ga mansub bo’lgan organizmlar guruhi. Takson muayyan biologik ob’ektlarga tegishli bo’lishi bilan taksonomik kategoriyalardan farq qiladi. Masalan, “kitsimonlar” yoki “umurtqalilar” tushunchalari tasnif qilinishi lozim bo’lgan organizmlar guruhini bildiradi. Shunday qilib, “tur”, “oila” va boshqalar Takson bo’lolmaydi, lekin muayyan tur, masalan, oddiy qarag’ay, uy pashshasi Takson hisoblanadi
Manba
O'zbekiston Milliy Ensiklopediyasi
Uzpedia.uz