TAKSILA (Yunoncha Taxila, qadimgi hindcha Takxasila yoxud Takshashila) — qadimda Hindiston yarim orolining shimoli g’arbidagi shahar (hozirgi Pokistonning Ravalpindi shahridan 35 kilometr narida), Gandxara davlati poytaxti. Miloddan avvalgi 3-2-asrlardan. Mauriyalar imperiyasi shimoli g’arbiy qismining ma’muriy markazi bo’lgan. Taksilaning eng qadimgi arxeologik qatlami miloddan avvalgi 6-asrga oid. Taksila savdo va hunarmandchilikning yirik markazi, xind, ellin, Eron va O’rta Osiyo madaniyatlari mujassam bo’lgan shahar edi. U shuningdek, qadimgi hind fani va maorifi markazi sifatida ham mashhur. Taksila 5-asrning 2-yarmida eftaliylar bosqinida qattiq shikastlangan, aholi shaharni tashlab keta boshlagan va 7-asrga kelib tashlandiq holga kelgan. 1913 yildan boshlab olib borilayotgan arxeologik qazish ishlari qadimgi hind jamiyatining turli jabhalarini o’rganishga doir qimmatli materiallar berdi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish