TAKA, TEKE
TAKA, TEKE — turkman kabilalaridan biri. Takalar 17-18-asrlarning 1-yarmida Bolxon tog’i vodiysida, Xorazmda va Amudaryo bo’ylarida yashagan va ularning katta bir qismi Tajan vohasini egallagan. Takalarning asosiy qismi 18-asr oxiri — 19-asrning boshlarida Axaltaka va Murgob vodiylariga ko’chgan; Marvni 19-asrning o’rtalarida egallagan. Takalar 2 guruhga: otamish (beg, anouli va vekil nomli yirik urug’larga) va To’xtamishga bo’lingan. 1897 yilda Takalardan Murg’ob vohasida 20 ming xo’jalik, Tajan va Qaahqada 7 ming xo’jalik, Axaliyada 9 ming xo’jalik bo’lgan. Takalar dehqonchilik va chorvachilik bilan shug’ullangan. 19-asrning boshida Takalar boshqa Turkman qabilalari bilan aralashib, Turkman xalqi tarkibiga singib ketgan.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz