TAITI — tinch okeandagi vulkan oroli. Jamiyat orollari guruhidagi eng katta orol. Maydoni 1042 kilometr kvadrat. Tor bo’yin (2 kilometr) orqali tutashgan ikkita tog’ massividan iborat. Asosan, bazalt jinslardan tuzilgan. Eng baland joyi 2241 metr (Oroxena tog’i). Marjon riflari bilan o’ralgan. Sernam tropik o’rmonlar bilan qoplangan. Aholi tropik dehqonchilik, baliq ovlash, marvarid yig’ish bilan shug’ullanadi. Turizm rivojlangan. Yirik shahri va porti — Papaete.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish