TAFT (TAFT) UILYAM XOUARD (1857.15.9 — 1930.8.3) — AQSh davlat arbobi. Yell kolleji (1874-78) va Tsintsinnatidagi yuridik maktabda (1878-80) o’qigan. Advokat, sudya bo’lgan. 1901-04 yillarda Filippin orollari gubernatori. 1904-08 yillarda Taft Ruzvelt hukumatida harbiy vazir. 1909-13 yillarda respublikachilar partiyasidan saylangan AQSh prezidenti. Taft hukumati Lotin Amerikasi davlatlarini AQShga qaram ettirish yo’lini tutgan. 1912 yildagi prezident saylovida mag’lubiyatga uchragan. Birinchi jahon urushi yillarida (1914-18) mehnat masalalari bo’yicha Milliy harbiy boshqarma rahbari. 1921 yildan AQSh Oliy sudi raisi. Shtatlar huquqini himoya qilish bahonasida sanoatda bolalar mehnatidan foydalanishni cheklashga qarshi bo’lgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish