TABIAT YODGORLIKLARI – jonli va jonsiz tabiat yaratgan noyob, diqqatga sazovor ob’yektlar: g’orlar, sharsharalar, ajoyib shaklli qoyatoshlar, daralar, geyzerlar, buloqlar, ochilib qolgan joylar, katta yoshli ulkan daraxtlar. Tabiat yodgorliklaridan ilmiy, estetik, rekreatsiya, sayohat, turizm, istirohat, tarbiyaviy maqsadlarda foydalaniladi. O’zbekistonda bunday Tabiat yodgorliklaridan juda ko’p: qadimgi odamlarning qoldiqlari topilgan Teshiktosh g’ori, Sayrob, Boysun, Xo’jakentdagi qad. chinorlar, Qo’ytosh, Qirqqiz, Odamtosh, Xo’jakentdagi qoyatoshlarga chizilgan rasmlar shular jumlasidandir. Mamlakatda 400 dan ziyod Tabiat yodgorliklari ro’yxatga olingan. Tabiat yodgorliklari davlat tomonidan qo’riqlanadi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish