SHOR USULI — metallarning qattiqligini o’lchash usullaridan biri. Amerikalik ixtirochi va sanoatchi A. Shor ixtiro qilgan (20-asr o’rtalari). Shor usuli ma’lum balandlikdan tashlangan yengil urgich (masalan, po’lat sharcha)ning sinaladigan metall jism sirtidan sakrab chiqish balandligini o’lchashga asoslangan. Metallning qattiqlik qiymati urgichning sakrash balandligiga mutanosib shartli birlikda baholanadi. Shor usuli o’tkaziladigan asbob shor skleroskopi deb ataladi. Metallarning qattiqligini o’lchashning Shor usulidan boshqa usullari ham bor.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish