Shanxay Avtomobillar muzeyi

Koordinatalari: 31°16′50.38″N 121°9′57.06″E / 31.2806611°N 121.1658500°E / 31.2806611; 121.1658500 G O

Shanxay avtomobillar muzeyi — avto-muzey, ya'ni asosiy eksponatlar sifatida avtomobillarni namoyish qiluvchi muzey hisoblanadi. U Xitoyda, Shanxay Xalqaro Avtomobil shahri Avto Ekspo parkida joylashgan. Muzey Tongji universitetining Arxitektura va Dizayn tadqiqot instituti hamda Germaniyaning maxsus arxitektura tashkiloti hamkorligida barpo qilingan. 2007-yil 17-yanvarda binoning rasmiy ochilishi bo‘lgan.

Maydoni

Muzey Xitoydagi birinchi ixtisoslashtirilgan muzeydir. Umumiy maydoni 28 000 m va ko‘rgazmalar maydoni taxminan 10 000 m.

Bino tuzilishi

Bino to‘rt qismga bo‘linadi:

• avtomobillar tarixi bo‘limi;

• kolleksiyalar bo‘limi;

• kashfiyotlar bo‘limi;

• Ko‘rgazmalar o‘tkaziladigan bo‘lim.

Avtomobillar tarix bo‘limida 27 ta avtomobil mavjud. Bu qavatda avtomobilsozlik sanoati rivojlanishi bilan tanishish mumkin.

Tarixiy avtomobillar kolleksiyasida 1900-1970-yillar oralig‘ida ishlab chiqarilgan 40 ta avtomobil bor. Ular 20 xil korxonalardan olib kelingan.

Eksponatlar haqida

Muzeyda 100 dan ortiq klassik avtomobillar to‘plami mavjud. Ularning orasida yuz yillik tarixiy rivojlanishga ega bo‘lgan turlari ham bor. Avtomobillar Xitoy va xorijdan olib kelingan. Muzeyda ellikka yaqin brenddagi avtomobillarni uchratish mumkin. Jumladan, ular orasidan Ford, Fiat 500, Austin 7, Rover P5, Jaguar E-Type va GM EV1 kabi mashhur avtomobil modellari ham o‘rin olgan.

Manbalar

uz.wikipedia.org