Shahzod Ubaydullayev
Shahzodbek Umid oʻgʻli Ubaydullaev (oʻzbekcha: Шаҳзод Умид оглы Убайдуллаев ;2-mart, 1998-yil, Kosonsoy, Namangan viloyati) — oʻzbek futbolchisi, „Metallurg“ klubi hujumchisi. Oʻzbekiston milliy terma jamoasida oʻynagan.
Faoliyati
Andijon
Ubaydullayev „Mashal“ klubi tarbiyalanuvchisi. 2018-yilning iyul oyida „Andijon“ klubiga oʻtdi. Klubdagi debyutini 2019-yil 8-mart kuni „Qizilqum“ klubiga qarshi o‘yinda o‘tkazgan. U klubdagi debyut golini 2019-yilning 18-aprel kuni „Nasaf“ klubiga qarshi o‘yinda kiritgan. 2019-yilning 2-oktyabr kuni „Surxon“ klubiga qarshi o‘yinda futbolchi ilk dublini qayd etdi. Mavsum davomida oʻzini klubning asosiy tarkib oʻyinchi boʻlib oʻynadi va oʻz hisobiga 9 gol va golli uzatma yozdirib qoʻydi. Mavsum oxirida esa klubni tark etdi.
Metallurg Bekobod
2020-yilning yanvar oyida futbolchi erkin agent sifatida Bekobodning „Metallurg“ klubiga oʻtdi. Klubdagi debyutini 2020-yilning 29-fevralida AGMK klubiga qarshi o‘yinda o‘tkazdi va o‘sha oʻyinda futbolchi birinchi golli uzatmasini ham amalga oshirdi. Debyut golini 2020-yil 15-iyun kuni Toshkentning „Lokomotiv“ klubiga qarshi o‘yinda kiritdi. 2020-yil 2-iyul kuni „Buxoro“ klubiga qarshi o‘yinda dubl qayd etgan va golli uzatma ham bergan. Futbolchi mavsum davomida klubning asosiy hujumchisiga aylanib, barcha musobaqalarda 9 ta gol va 5 ta golli uzatmani amalga oshirdi.
Shakhtyor Soligorsk
2021-yil yanvar oyi boshida futbolchi Belarusning „Shaxtyor“ klubiga 150 ming yevro evaziga o‘tishi mumkinligi haqida maʼlumot paydo bo‘ldi. 2021-yilning yanvarida futbolchi rasman „Shaxtyor Soligorsk“ga koʻchib oʻtdi. Transfer summasi taxminan 123 ming yevroni tashkil qildi. U klubdagi debyutini 2021-yil 7-mart kuni Belarus kubogi doirasida Neman Grodnoga qarshi o‘yinda o‘tkazdi va oʻsha oʻyinda debyut golini urdi. Premyer-ligadagi debyut uchrashuvini 2021-yil 13-mart kuni Minskka qarshi o‘tkazdi. U klub safida barcha musobaqalarda atigi 5 ta o‘yinda maydonga tushdi va 2021-yilning aprelidan boshlab asosiy tarkibda kam maydonga tusha boshladi.
Energetik-BGU da ijara
2021-yilning mart oyida futbolchi faoliyatini Energetik-BGUda ijara asosida davom ettirishi haqida ham maʼlumot paydo boʻldi. 2021-yil iyul oyida futbolchi mavsum oxirigacha Energetik-BGUga ijaraga berildi. Klubdagi debyutini 2021-yil 17-iyulda Smorgonga qarshi oʻyinda oʻtkazdi. U klubdagi debyut golini 2021-yil 22-avgust kuni BATE Borisovga qarshi o‘yinda kiritdi. Mavsum yakunida u klub safida 3 ta gol urdi va 3 ta golli uzatmani amalga oshirdi. 2021-yilning dekabrida ijara shartnomasi yakunlangach, u klubni tark etdi.
Neftchida ijara
2022-yilning fevral oyida futbolchi Fargʻonaning „Neftchi“ klubiga ijaraga berildi. Klubdagi debyutini 2022-yilning 2-mart kuni "Qo‘qon-1912" klubiga qarshi o‘yinda o‘tkazdi va o‘zining debyut golini ham kiritdi. Klubning asosiyt arkibidan joy oldi. Mavsum yakunida futbolchi barcha musobaqalarda 5 ta gol urdi va bitta golli uzatmani amalga oshirdi. Ijara muddati tugagach klubni tark etdi. 2023-yil yanvar oyida „Shakhtyor Soligorsk“ matbuot xizmati futbolchining klubga qaytgani va u bilan yangi mavsumga tayyorgarlik koʻra boshlagani haqida xabar berdi. Chempionatdagi ilk uchrashuvini 2023-yilning 18-mart kuni Novopolotskning „Naftan“ klubiga qarshi o‘tkazdi.
Xalqaro
Ubaydullaev 2020-yil 3-sentabr kuni Tojikistonga qarshi o‘rtoqlik o‘yinida O‘zbekistonning asosiy jamoasi safida debyut qilgan.
2020-yil 3-sentyabr o‘tkazilgan o‘yindagi aniq statistika.
Xalqaro oʻyinlar
Gol va natijalar ro‘yxatida birinchi bo‘lib O‘zbekistonning gollari qayd etilgan.
Yutuqlar
Klub
Andijon
Shaxtyor Soligorsk Manbalar
Havolalar
uz.wikipedia.org