Shahenda Wafa

Shahenda Vafa (1998-yilda tugʻilgan) — misrlik ayol shaxmatchi. U FIDE ayol grossmeyster unvoniga ega (2017). U shaxmat boʻyicha ayollar oʻrtasidagi Afrika chempionatining ikki karra gʻolibi (2017, 2018).

Shaxmatdagi faoliyati

Shahenda Wafa 2014-yilgi arab qizlari chempionati va 16 yoshgacha boʻlgan Afrikalik qizlar oʻrtasidagi chempionatda gʻolib boʻldi. U Sabrina Latreche bilan birga 2014-yilda shaxmat boʻyicha ayollar oʻrtasidagi arab chempionatining gʻolibi boʻlgan. 2015-yilda u shaxmat boʻyicha yoshlar va qizlar oʻrtasidagi Afrika chempionatida gʻoliblikka erishdi.

Shahenda Wafa ketma-ket ikki marta 2017-yilda Oranda va 2018-yilda Livingstonda boʻlib oʻtgan ayollar oʻrtasida shaxmat boʻyicha Afrika chempionatida gʻoliblikni qoʻlga kiritdi. Bu natijasi tufayli u 2018-yilgi shaxmat boʻyicha ayollar oʻrtasidagi jahon chempionatiga yoʻllanma oldi.

Shahenda Wafa Misr terma jamoasida ayollar shaxmat olimpiadalarida ishtirok etgan:

Shahenda Wafa shaxmat boʻyicha jahon jamoaviy chempionatida Misr terma jamoasi safida oʻynadi:

2013-yilda u FIDE ayol xalqaro ustasi (WIM) unvoniga sazovor boʻldi va uch yildan soʻng FIDE ayol grossmeyster (WGM) unvonini oldi.

Shahende Wafa oq donalarda oʻynab, jami 291 ta gʻalaba, 69 ta durang hamda 112 ta magʻlubiyat bilan yakunlangan oʻyinlarni namoyish etgan. Wafaning qora donalar bilan boʻlgan oʻyinlari ham u qadar katta tafovutga ega emas, 262 ta gʻalaba, 141 ta magʻlubiyat va 74 ta durang bilan yakunlangan oʻyinlar (2022-yil avgust holatiga koʻra) shular jumlasidandir.

Shaxsiy hayoti

Uning opasi Shrook Wafa ham ayol grossmeyster. Opa-singil Wafalar musobaqalarda Misr nufuzi uchun dona suradilar.

Manbalar

uz.wikipedia.org