Sergey Zagrebelniy (shaxmatchi)

Sergey Nikolayevich Zagrebelniy (1965-yil 9-aprelda Toshkent viloyatining Chirchiq shahrida tug‘ilgan) — oʻzbek shaxmatchisi, grossmeyster (1993).

U 1992-2002-yillarda O‘zbekiston terma jamoasi tarkibida 6 ta olimpiadada ishtirok etgan, 1992-yil Manilada o‘tkazilgan Olimpiadaning kumush medali sovrindori .

Sport natijalari

Zagrebelniy 1988 —1990-yillarda shaxmat bo‘yicha O‘zbekiston chempionatida g‘alaba qozongan. U 1992-yilda O‘zbekiston terma jamoasi tarkibida 30-shaxmat olimpiadasida 2 ta kumush medalni (yakka va jamoaviy hisobda) qo‘lga kiritadi. Sergey Nikolayevich 1994—1996—1998—2000—2002-yillardagi shaxmat olimpiadalarida O‘zbekiston terma jamoasi safida ham shaxmat donalarini surgan . 1993-yilda shaxmat bo‘yicha jamoaviy jahon chempionati va 1993-1995-yilgi Osiyo jamoalar o‘rtasidagi shaxmat chempionatlarida qatnashgan. Sergey 1998-yili Tehronda shaxmat bo‘yicha o‘tkazilgan Osiyo chempionatida 4-7-o‘rinlarni egalladi . 2001-yilda Abu-Dabidagi Masters chempionatida g‘alabaga erishadi. Zagrebelniy muntazam ravishda ChessPro veb-saytida yirik shaxmat turnirlarining translyasiyalarini sharhlaydi.

Manbalar

Havolalar

Sergey Zagrebelniyning FIDE saytida shaxsiy profili

Chessgames.com maʼlumotlar bazasida Sergey Zagrebelniyning o'yinlari

uz.wikipedia.org