Sergey Shkarlet
Sergey Nikolayevich Shkarlet (ukraincha: Сергій Миколайович Шкарлет ; 1972-yil 19-oktyabr, Qoʻqon, Oʻzbekiston SSR, SSSR) — ukrainalik iqtisodchi, iqtisod fanlari doktori (2008), professor (2008), Chernigov milliy texnologiya universiteti rektori (2010-2020). Taʼlim va fan vazirining Yevropa integratsiyasi boʻyicha oʻrinbosari. Ukraina taʼlim va fan vaziri (2020-yil 25-iyun — 2023-yil 20-mart).
Biografiyasi
Nijin shahridagi oʻrta maktabni oltin medal bilan tamomlab, toʻliq umumiy oʻrta maʼlumot toʻgʻrisidagi guvohnoma olgan. 1989-yil sentyabr oyida maktabni tugatgandan soʻng, Kiyev Politexnika institutining Amaliy matematika fakultetiga avtomatlashtirish tizimini matematik taʼminlash mutaxassisligi boʻyicha oʻqishga kirgan va oʻqishni 1995-yil mart oyida muhandis-texnik mutaxassisligi boʻyicha mutaxassis diplomi bilan tugatgan.
1995-yil oktabr oyida ikkinchi oliy maʼlumot olish uchun Chernigov texnologiya instituti qoshidagi Moliya-iqtisodiyot institutining kunduzgi bo‘limiga „Buxgalteriya hisobi va audit“ mutaxassisligi bo‘yicha o‘qishga kirgan va oʻqishni 1996-yil iyun oyida iqtisodiyot boʻyicha diplom bilan tugatgan.
2000-yil oktabr oyida 08.06.02 — „Tadbirkorlik, menejment va marketing“ ixtisoslashtirilgan akademik ixtisosligi bo‘yicha „Dasturiy taʼminotni ishlab chiqish sohasida innovatsion tadbirkorlik faoliyatini iqtisodiy boshqarish“ mavzusida iqtisod fanlari nomzodi ilmiy darajasini olish uchun Kiyev Milliy iqtisodiyot universiteti D 26.006.04 kengashida nomzodlik dissertatsiyasini himoya qilgan.
2003-yilda "Ekonometriya, buxgalteriya hisobi va audit" kafedrasi dotsenti ilmiy unvonini olgan.
2008-yil yanvar oyida 08.00.04 — „Iqtisodiyot va korxonalarni boshqarish“ ixtisosligi bo‘yicha „Korxonalarning iqtisodiy xavfsizligini ularning innovatsion rivojlanishini faollashtirish orqali shakllantirish“ mavzusida iqtisod fanlari doktori ilmiy darajasini olish uchun Vadim Hetman nomidagi Kiyev milliy iqtisodiyot universitetida nomzodlik dissertatsiyasini himoya qilgan.
2008-yil oktyabr oyida menejment kafedrasi professori ilmiy unvonini oldi.
2020-yil iyun oyida Sergey Shkarletning monografiyasi va ilmiy ishlarida katta hajmdagi akademik plagiat aniqlangan.
2020-yil 17-dekabrdan 2023-yil 20-martgacha Ukraina taʼlim va fan vaziri. 2023-yilning mart oyida u Ukraina Oliy Radasi tomonidan 295 deputatning ovozi bilan (226 nafar talab qilinadi) ishdan boʻshatilgam.
Mehnat faoliyati
1995-yil apreldan sentyabrgacha Nejinskiy NPK Progressda muhandis-konstruktor boʻlib ishlagan.
1996-yil iyuldan 1996-yil avgustgacha Chernigov texnologik instituti boshqaruv kafedrasi assistenti lavozimida ishlagan. 1996-yil sentabrdan 1998-yil maygacha Chernigov texnologiya institutining „Ekonometriya, buxgalteriya hisobi va audit“ kafedrasi o‘qituvchisi lavozimida ishlagan. 1998-yil iyundan 2001 yil aprelgacha Chernigov davlat texnologiya universitetining „Ekonometriya, buxgalteriya hisobi va audit“ kafedrasi katta o‘qituvchisi lavozimida ishlagan.
1999-yil iyundan 2003-yil iyulgacha Xalqaro fan va texnologiya universitetining Chernigov axborot, biznes va huquq institutida o‘quv ishlari bo‘yicha prorektor lavozimida ishlagan. 2001-yil apreldan 2003-yil iyulgacha Chernigov davlat texnologiya universitetining Ekonometriya, buxgalteriya hisobi va audit kafedrasi dotsenti lavozimida ishlagan. 2001-yil iyuldan — Akademik Yuriy Bugay nomidagi Xalqaro ilmiy-texnika universitetining Chernigov axborot, biznes va huquq instituti rektori. 2006-yil sentyabr oyidan — Akademik Yuriy Bugay nomidagi Xalqaro ilmiy-texnika universitetining menejment kafedrasi professori.
2010-yil may oyidan 2020-yil dekabrigacha — Chernigov milliy texnologiya universiteti rektori.
120 ta ilmiy maqolalari chop etilgan. Shkarletning bevosita rahbarligida uchta iqtisod fanlari doktori va yetti nafar nomzodlik dissertatsiyalari himoya qilindi.
Mukofotlari
Manbalar
Havolalar
uz.wikipedia.org