Sergey Karaulov

Sergey Nikolayevich Karaulov (1984-yil 15-aprel, Guliston, Oʻzbekiston SSR, SSSR) – rossiyalik professional basketbolchi, markazda oʻynaydi. Bugungi kunda „Uralmash“ basketbol klubida oʻynaydi.

Klublarda faoliyati

Sergey Karaulov Oʻzbekiston SSRning Guliston shahrida tugʻilgan. U 18 yoshida basketbol bilan shugʻullana boshlagan. Basketbol maydoni joylashgan hudud uyidan uzoq boʻlishiga qaramasdan, professional darajaga chiqish uchun har kuni mashgʻulotlarga borar edi. Bolaligida u turli sport turlari bilan shugʻullangan. Jumladan, tennis, shaxmat, suv polosi va boks kabi sport turlariga borgan. Oʻrta maktabni tamomlagan Karaulov Guliston universitetining iqtisodiyot fakultetiga oʻqishga kirdi. Universitet basketbol jamoasiga qoʻshildi va mashgʻulotlarida muntazam qatnashdi. Sergey Nikolayevich Karaulov 2001—2022-yillarda Qozog'istonning „BCT Otrar Alma Ata“ klubida, 2002—2004-yillarda „Saxa-Yakutiya (Yakutsk)“ klubida, 2004—2007-yillarda „Ximki“ klubida, 2006—2007-yillarda „CSK VVS-Samara“ klubida, 2007—2008-yillarda „Lokomotiv Rostov“ klubida, 2008—2009-yillarda „Nijniy Novgorod“ klubida, 2009—2011-yillarda „Samara“ klubida, 2011—2012-yillarda „Spartak-Primorye“ klubida, 2012—2013-yillarda „Triumph Lyubertsy“ klubida, 2013—2014-yillarda „Ruskon-Mordovia Saransk“ klubida, 2014—2015-yillarda „Ural Yekaterinburg“ klubida, 2015—2019-yillarda „Temp-SUMZ-UGMK Revda“ klubida, 2019—2020-yillarda „Vostok-65“ klubida oʻynagan.

NBA loyihasi

Sergey Karaulov 2004-yilgi NBA loyihasining ikkinchi bosqichida „San-Antonio Spurs“ jamoasi tomonidan 58-oʻrinda tanlab olingan.

Milliy terma jamoadagi faoliyati

Ikki fuqarolikka ega Karaulov O‘zbekiston yoki Rossiya terma jamoasini xalqaro terma jamoalar musobaqalarida himoya qilishi mumkin. 2001-yilgi ABC chempionatida Oʻzbekiston, 2007-yilgi yozgi Universiadada esa Rossiya terma jamoasi safida oʻynagan.

Manbalar

Tashqi havolalar

uz.wikipedia.org