Sergey Dobrin
Sergey Vladimirovich Dobrin (ruscha: Серге́й Влади́мирович До́брин; 1986-yil 22-sentyabr, Lipetsk) — yakka holda konkida ushish musobaqalarida qatnashgan rossiyalik figurali uchuvchi. 2006, 2007 va 2005-yilgi oʻsmirlar oʻrtasidagi jahon chempionatining bronza medali sovrindori. Sergey Dobrin havaskor sport faoliyatini 2010-yilda yakunlagan.
Faoliyati
2000—2001-yilgi mavsumda Sergey Dobrin „kattalar“ oʻrtasidagi musobqalarda debyut qildi. Oʻsha mavsum uning sport faoliyatidagi eng muvaffaqiyatli mavsumlardan biri boʻldi. Oʻsmirlar oʻrtasidagi Rossiya chempionatida Sergey Dobrin birinchi oʻrinni egalladi. Shundan soʻng oʻsmirlar oʻrtasida Gran-pri finali boʻlib oʻtdi. Sergey finalda ikkinchi oʻrinni egalladi.
Sergey 2001—2002-yilgi mavsumda birinchi marta Rossiya chempionatida ishtirok etdi va u yerda 9-oʻrinni egalladi.
2002—2003-yilgi mavsum Pokal det Blauen va Shverter Trofeo Rita Trapanese musobaqalaridagi ketma-ket ikkita gʻalaba bilan boshlandi; Sergey Gran-pri finalida ikkinchi oʻrin va Sloveniyaning Bled shahrida boʻlib oʻtgan Yevropa yoshlar olimpiadasi festivalida oltin medalni qoʻlga kiritdi. Oʻsha mavsumdagi Rossiya oʻsmirlar chempionatida Dobrin Andrey Gryazevdan keyin ikkinchi oʻrinni egalladi va shu bilan 2003-yilgi Jahon chempionatiga yoʻllanmani qoʻlga kiritdi va u yerda beshinchi oʻrinni oldi.
Sergey Dobrin 2004—2005-yilgi mavsumda oʻsmirlar oʻrtasidagi jahon chempionatida uchinchi oʻrinni egallaganidan soʻng, Rossiya chempionatida muvaffaqiyatli ishtirok etmaganiga qaramay (5-oʻrin) Moskvada boʻlib oʻtadigan jahon chempionatida mamlakatning „kattalar“ jamoasiga yozildi. Sergey Jahon chempionatida 17-oʻrinni egalladi.
2006—2007-yilgi mavsumda Sergey Rossiya chempionatida uchinchi va Yevropa chempionatida 15-oʻrinni egalladi.
Taʼlimi
Sergey Dobrin 2008-yilda Rossiya davlat universitetining jismoniy tarbiya va sport fakultetini tamomlagan.
Natijalari
2007-yildan keyin
2007-yilgacha
WD=tanlovni tark etgan
Manbalar
uz.wikipedia.org