Sergei Shumakov
Sergei Shumakov (talaffuzi: Sergey Shumakov) (1992-yil 4-sentyabrda tugʻilgan) — rossiyalik xokkeychi. Sergei Shumakov hozirda erkin agent hisoblanadi. Yaqinda Sergei Shumakov Kontinental xokkey ligasida (KHL) „ Avtomobilist Yekaterinburg“ xokkey jamoasida oʻynagan edi.
Oʻyin faoliyati
2011—2012-yilgi mavsumda Sergei Shumakov Kontinental xokkey ligasi vakili „Sibir Novosibirsk“ xokkey klubi safida ilk oʻyinini oʻtkazdi.
2016—2017-yilgi mavsumdan soʻng, („Sibir Novosibirsk“ xokkey klubi bilan KHLdagi yettinchi yilida) Sergei Shumakov Maxim Shalunov va Konstantin Okulov bilan birgalikda Alexander Sharov oʻrniga 2017-yil 1-may kuni „CSKA Moscow“ xokkey klubiga almashtirildi. 2017—2018-yillarda Sergei Shumakov klub safida 47 ta oʻyinda maydonga tushib, 23 ta golli uzatma va 40 ochkoni qayd etdi.
2018-yilning 27-avgust kuni Moskvaning „SSKA Moscow“ xokkey klubi Sergei Shumakov bilan 2018—2019-yilgi mavsum oldidan shartnomani bekor qildi. Shundan soʻng, Sergei Shumakov NHLda oʻz karyerasini boshlash niyatida, 2018-yil 1-sentyabrda „Vashington Capitals“ xokkey klubi bilan bir yillik ikki tomonlama shartnoma imzoladi. Lekin 7-dekabr kuni Sergei Shumakov NHLga chaqirilmagani va klubning AHL filiali „Hershey Bears“ xokkey jamoasi bilan 10 oʻyinda toʻrt ochkoni qayd etgani sababli, „Washington Capitals“ xokkey klubi Sergei Shumakov bilan shartnomani oʻzaro bekor qilishdi. U tezda erkin agent sifatida AHLda oʻz faoliyatini davom ettirish uchun professional sinov shartnomasiga imzo chekdi va 8-dekabrda „Florida Panthers“ xokkey klubiga tegishli „Springfield Thunderbirds“ xokkey klubi bilan kelishuvga erishdi. 13-dekabrda Sergei Shumakov sinov muddatidan yaxshi oʻta olmadi va Shimoliy Amerikadagi faoliyatini yakunladi. Shundan keyin, 19-dekabr kuni Sergei Shumakov „Avangard Omsk“ xokkey klubi bilan uch yillik shartnoma imzolab, KHLga qaytdi.
2020—2021-yilgi mavsumda Sergei Shumakov klub safida 28 ta oʻyinda maydonga tushib, 8 gol va 13 ochko jamgʻardi. 2020-yil 9-dekabrda moliyaviy tovon puli evaziga Sergei Shumakov „Avangard Omsk“ klubi tomonidan „Avtomobilist Yekaterinburg“ xokkey klubi aʼzosiga almashtirildi.
Faoliyat statistikasi
Manbalar
uz.wikipedia.org