Saudakent

Saudakent (qozoqcha: Саудакент, 1931—1993-yillarda — Bayqadam) — Qozogʻiston Respublikasining Jambul viloyati, Sarisu tumanidagi qishloq. Bayqadam qishloq okrugining maʼmuriy markazi. Tumanning maʼmuriy markazi boʻlgan Janatas shahridan taxminan 25 km shimoli-sharqda, dengiz sathidan 324 metr balandlikda joylashgan. KATO kodi — 316033100.

Aholisi

1999-yilda qishloq aholisi 5864 kishini (2871 erkak va 2993 ayol) tashkil qilgan. 2009-yilgi aholini roʻyxatga olish maʼlumotlariga koʻra, qishloqda 5313 kishi (2618 erkak va 2695 ayol) yashagan.

Mahalliy aholi orasidan chiqqan taniqli shaxslar

Bayqadam (Saudakent) shahrida tug‘ilganlar: shoir Baltabay Adambayev (1919—1990), olim va ixtirochi Uskenbay Ayapov (1929—1983) huquqshunos Barimbek Beysenov (1923—1997), agronom, „Qamqali“ sovxozi direktori Kojageldiev Amangeldi (1942— 2011). Asanali Asimov — aktyor, rejissyor, prodyuser. Agronom Abdraliuli Ilyos (1929—2009), jamoat arbobi imom Abdralin Saken Ilyasovich (1974—2012), Oqmolda, Dulyga Doʻsmuxambetovich — aktyor.

Manbalar

uz.wikipedia.org