Sarah Kustok
Sarah Grace Kustok (talaffuzi: Sara Greys Kustok, KOO-stok; 1981-yil 17-dekabrda tugʻilgan) — YES Network va Fox Sports telekanallarida ishlaydigan amerikalik sport muxbiri. 2017-yilda YES Network uni Bruklin oʻyinlarini tahlil qilishi uchun, tahlilchi lavozimiga koʻtarganida, u NBA jamoasining mahalliy telekoʻrsatuvi uchun birinchi ayol tahlilchisi lavozimiga koʻtarilib boʻlgandi.
Biografiyasi
Kustok oʻz faoliyatini ESPN va Fox Sports telekanallarida tahlilchi va yon muxbir sifatida boshlagan. U kollej futboli, basketbol (erkaklar va ayollar) va oʻrta maktab futbolini yoritgan. Shuningdek, Chicago Bulls, Blackhawks, Cubs, White Sox va Fire uchun Comcast SportsNet Chicago televideniyasida muxbir boʻlib ishlagan va tarmoq uchun oʻrinbosar boʻlgan. U College Sports Minute dasturini olib borgan va WFLD-TV uchun mustaqil sport boshlovchisi/muxbiri sifatida ham faoliyat olib borgan. U Versus TVda ham ishlagan. Keyinchalik WNBAning Connecticut Sun jamoasi uy oʻyinlarining rangli sharhlovchisi boʻlgan. U, shuningdek, FS1ning First Things First dasturining hammuallifidir. Kustok 2017-yilda televizion tahlilchi lavozimiga koʻtarilgunga qadar Bruklin Netsda (Mishel Biddldan keyin) yon muxbir boʻlib ishlagan va bu uni NBA tarixidagi birinchi ayol yakkaxon tahlilchiga aylantirgan. U bugungi kunda Nets jurnali faoliyatiga ham hissa qoʻshib keladi.
DePaul statistikasi
Manba
Shaxsiy hayoti
Kustok Illinois shtatidagi Orland Park shahrida oʻsgan va u yerda oʻrta maktabga borib, voleybol va basketbol bilan shugʻullangan. Keyinchalik u DePaul universitetida oʻqidi va u yerda Blue Demons ayollar basketbol jamoasida oʻynadi. Uning katta akasi Zack biznesmen va ilgari Northwestern Wildcats futbol jamoasida himoyachi pozitsiyasida oʻynagan.
Sarahning otasi Allan Kustok 2010-yilda onasi Anita „Jenie“ Kustokni uyida uxlab yotganida otib oʻldirganlikda ayblangan. Sarah katta sud hay’ati oldida guvohlik bergan va 2014-yil mart oyida otasining aybsizligini taʼkidlagan. Allan birinchi darajali jinoyat sodir etgani oʻz tasdigʻini topgan. U hozirda 60 yillik qamoq jazosini oʻtamoqda, unda hozirda shartli ravishda ozodlikka chiqish huquqi ham yoʻq.
Manbalar
uz.wikipedia.org