Sandro Ramírez
Sandro Ramírez Castillo (talaffuzi: Sandro Ramires Kastilyo) — 1995-yil 9-iyulda Ispaniyaning Kanariya shtatida tugʻilgan. „Las-Palmas“ klubida markaziy hujumchi sifatida faoliyat yuritadi.
Jamoalardagi faoliyati
Sandro Ramírez oʻz faoliyatini „Las-Palmas“ klubida boshlagan, soʻngra „Espanyol“ jamoasida qisqa vaqt oʻtkazgan va 2009-yilda „Barcelona“ jamoasiga oʻtgan. 2013—2014-yilgi mavsumda Sandro Ramírez klubning ikkinchi jamoasi „Barcelona B“ga oʻtdi va 7 ta gol urdi. Keyingi mavsumda u „Barcelona“ asosiy jamoasida debyut qildi. Bu 19-iyul kuni „Recreativo“ga qarshi oʻrtoqlik uchrashuvida sodir boʻldi. Yosh ispaniyalik futbolchi ikkinchi boʻlimda Adam Traore oʻrniga maydonga tushdi. 9-avgust kuni u jamoa uchun birinchi golini Finlandiya „HJKA“ klubiga qarshi oʻyinda kiritdi. 18-avgust kuni u meksikaning „Leon“ jamoasiga qarshi Joan Gamper kubogi uchun oʻyinda oltinchi golini urdi. 31-avgust kuni Sandro Ramírez „Vilyarreal“ bilan oʻyinda (1:0) debyut qildi. Futbolchi uchrashuvning 70-daqiqasida Pedro Rodriges oʻrniga zaxiradan maydonga tushdi va gʻalaba golini kiritdi. 17-sentabr kuni u Chempionlar ligasida ilk bor Kiprning „APOEL“ jamoasiga qarshi oʻyinda maydonga tushdi. U yevrokuboklardagi ilk golini Amsterdamning „Ajax“ klubiga qarshi uy uchrashuvida (3:1) kiritdi. U Ispaniya kubogidagi ilk golini 16-dekabr kuni „Huesca“ga qarshi oʻyinda (8:1) kiritdi.
2016-yil boshida Sandro Ramírezga „Betis“, Italiyaning „Fiorentina“ va Angliyaning „Newcastle United“ klublari qiziqish bildirgan edi. „Barcelona“ bilan u ikki marta Liga va Ispaniya Kubogini, shuningdek, Chempionlar Ligasi va Klublar oʻrtasidagi Jahon chempionatini qoʻlga kiritdi.
Xalqaro karyerasi
2013-yilda 19 yoshgacha boʻlgan Ispaniya yoshlar terma jamoasi tarkibida Sandro Ramírez 2013-yilda Litvada boʻlib oʻtgan yoshlar oʻrtasidagi Yevropa chempionatining bronza medali sovrindori boʻldi. Turnirda u Portugaliya, Litva, Gollandiya va Fransiya jamoalariga qarshi oʻyinlarda ishtirok etgan. Portugal va gollandlarga qarshi janglarda Sandro Ramírez bittadan gol urdi.
2017-yilda Ispaniya yoshlar terma jamoasi tarkibida Sandro Ramírez 2017-yilda Polshada boʻlib oʻtgan yoshlar oʻrtasidagi Yevropa chempionatining kumush medali sovrindori boʻldi. Turnirda u Makedoniya, Portugaliya, Italiya va Germaniya jamoalariga qarshi oʻyinlarda ishtirok etgan. Portugaliyaliklarga qarshi kechgan duelda Sandro Ramírez gol urdi.
Statistikasi
Yutuqlari
Jamoaviy yutuqlari
„Barcelona“ Ispaniya (U19) Ispaniya (U21) Manbalar
uz.wikipedia.org