Sam Nicholson
Sam Alastair Nicholson (talaffuzi: Sem Alaster Nikolson; 1995-yil 20-yanvarda Shotlandiyaning Edinburg shahrida tugʻilgan) — shotlandiyalik futbolchi, „Colorado Rapids“ klubining qanot himoyachisi hisoblanadi.
Klublardagi faoliyati
Sam Nicholson „Heart of Midlothian“ klubining tarbiyalanuvchisi hisoblanadi. 2013-yilning 31-avgustida u Shotlandiya premyer ligasida „Inverness Caledonian Thistle“ futbol klubiga qarshi bahsda debyut qildi. 2014-yil 18-yanvarda Sem „St Johnstone“ futbol klubiga qarshi oʻyinda „Heart of Midlothian“ futbol klubi safidagi birinchi golini urdi.
2017-yilning 10-iyulida Sam Nicholson MLSning „Minnesota United“ klubi bilan shartnoma imzoladi. U Amerika ligasidagi debyutini 22-iyul kuni „New York Red Bulls“ futbol klubiga qarshi oʻtkazdi. 30-sentabr kuni „Houston Dynamo“ futbol klubiga qarshi oʻyinda Sam Nicholson MLSdagi birinchi golini urdi.
2018-yilning 1-may kuni Sam Nicholson „Colorado Rapids“ futbol klubiga 50 000 dollar evaziga sotildi. 5-may kuni „Sporting Kansas City“ futbol klubiga qarshi oʻyinda u „Colorado Rapids“ futbol klubi safida debyut qildi. Sem oʻzining „Colorado Rapids“ futbol klubi safidagi birinchi golini 4-iyul kuni „Seattle Sounders“ futbol klubiga qarshi oʻyinda kiritdi. 2020-yil 2-iyulda Sam Nicholson „Colorado Rapids“ futbol klubi bilan shartnomani tomonlarning oʻzaro kelishuviga koʻra bekor qildi.
2020-yil 22-iyulda Sam Nicholson ikki yillik shartnoma asosida Angliya 1-ligasidagi „Bristol Rovers“ futbol klubiga qoʻshildi. U 5-sentabr kuni 2020—2021-yilgi futbol ligasida „Ipswich Town“ futbol klubiga qarshi oʻyinda „Bristol Rovers“ jamoasi safida debyut qildi. 31-oktabr kuni „Rochdale“ futbol klubiga qarshi oʻyinda u „Bristol Rovers“ klubi safidagi birinchi golini urdi.
2022-yil 17-iyunda Sam Nicholson „Colorado Rapids“ futbol klubiga erkin agent sifatida qaytdi va shartnomani yana bir yilga uzaytirish imkoniyati bilan 2,5 yillik bitim imzoladi.
Jamoalari
Statistika
Manbalar
uz.wikipedia.org