Salvatore „Sal“ Zizzo Jr.
Salvatore Zizzo Jr. ( inglizcha: Salvatore "Sal" Zizzo Jr.) 1987-yil 3-aprelda AQShning Kaliforniya shtatidagi San-Diego hududida tavallud topgan.
Zizzo amerikalik futbolchi boʻlib, maydonda himoyachi vazifasini bajargan.
Jamoalardagi faoliyati
Maktabda boʻlganida, Zizzo futbol va beysbol oʻynay boshlagan. Los-Anjelesdagi Kaliforniya universitetiga oʻqishga kirganidan soʻng u institutning futbol jamoasiga qoʻshilgan. Zizzo 2006 va 2007-yillarda USL PDLning „Orange County Blue Star“ jamoasida ham oʻynagan.
2007-yilda yoshlar oʻrtasidagi jahon chempionatidan soʻng Zizzo Germaniyaning „Hannover 96“ klubi bilan shartnoma imzolagan. 2008-yilning 10-mayida u Bundesligadagi debyutini „Verder“ga qarshi o‘tkazdi. Yuqori raqobat tufayli Zizzo asosan zaxira oʻrindigʻida oʻtirgan. 2009-yilning yozida u „Fortuna Dyusseldorf“ga ijaraga oʻtgan.
2010-yil 21-iyulda Zizzo o‘z vataniga qaytib, AQShning „Chivas“ jamoasiga qo‘shilgan. 22-avgust kuni „Dallas“ga qarshi oʻyinda u MLS (Major liga soccer — Oliy futbol ligasi)da debyut qildi.
2011-yil 15-fevralda Zizzo „Portlend Timbersga“ tarkibiga qoʻshilgan. 26-mart kuni Kanadaning „Toronto“ jamoasiga qarshi oʻyinda u yangi jamoasi safida debyut qilgan. 2012-yil 15-avgustda Zizzo MLSdagi ilk golini „Toronto“ darvozasiga kiritdi.
2013-yil 13-dekabrda uchun „Sporting Kansas City“ safiga qoʻshilgan. 2014-yilning 8-martida „Sietl Saunders“ga qarshi oʻyinda Sal yangi jamoada debyut qildi. 23-sentabr kuni KONKAKAF Chempionlar ligasining 2014/15-yilgi mavsumida Nikaraguaning „Real Esteli“ jamoasiga qarshi oʻyinda Zizzo „Sporting Kansas City“ safida ilk golini urdi.
2019-yilning 21-mayida Sal Zizzo futboldagi faoliyatini yakunlaganini rasman eʼlon qilgan.
2019-yil 11-dekabrda Zizzo o‘z faoliyatini davom ettirdi va „San-Diego Loyal“ning yangi USL chempionati franshizasining birinchi o‘yinchisiga aylandi. 2020-yil 7-martda u klubning „Las-Vegas Lights“ga qarshi debyut uchrashuvida ishtirok etdi. 2021-yilgi mavsum oxirida Zizzo futboldagi faoliyatini yakunlaganini yana eʼlon qildi.
Xalqaro faoliyati
2007-yilda Zizzo AQSh yoshlar terma jamoasi tarkibida Kanadada boʻlib oʻtgan yoshlar oʻrtasidagi jahon chempionatida chorak finalga chiqdi. Oʻsha yilning 22-avgustida Shvetsiyaga qarshi oʻrtoqlik oʻyinida Sal ikkinchi boʻlimda Damarkus Bisli oʻrniga AQSh terma jamoasida debyut qildi. U olimpiya terma jamoasida ham oʻynagan, ammo 2008-yilgi Olimpiya oʻyinlarida ishtirok etmagan.
Jamoalari
Manbalar
uz.wikipedia.org