Ryan Hollweg
Ryan Alexander Hollweg (talaffuzi: Ryan Hollveg; 1983-yil 23-aprelda tugʻilgan) — sobiq amerikalik xokkeychi. U oʻzining soʻnggi mavsumini HC Škoda Plzeň jamoasi bilan Chexiya Ekstraligasida (Chexiya) oʻtkazgan.
Faoliyati
Germaniyada tugʻilgan Hollweg futboldan koʻra xokkeyni afzal koʻrgan. U hatto yosh bolaligida ham bir kun kelib professional xokkeychi boʻlib qolaman, deb oʻylagan. Hollweg 1996-yilda Quebecda boʻlib oʻtgan Xalqaro Pee-We xokkey turnirida Kaliforniyaning kichik xokkey jamoasi bilan oʻynagan. U 14 yoshida Downey jamoasini Britaniya Kolumbiyasi oʻsmirlar jamoasida oʻynash uchun tark etgan va 1998—1999-yillarda Langley Hornets (BCHL) jamoasida 58 oʻyinda 54 ochko toʻplagan. 1999-yilda u Medicine Hat Tigers (Gʻarbiy Xokkey Ligasi) jamoasi tomonidan 1-oʻrinda jamoa tarkibiga kiritlgan. U yerda u ham toʻpurar, ham kuchli oʻyinchi sifatida tanilgan. Hatto oʻzining toʻrt mavsumida ikki marta Haftaning eng yaxshi oʻyinchisi unvoniga sazovor boʻlgan.
5’11 dyuym boʻyli 212 funtlik sportchi New York Rangers jamoasi tomonidan 2001-yilgi NHLga kirish draftining sakkizinchi raundida (umumiy 238-oʻrin) jamoa tarkibiga tanlab olingan. Bu haqda oʻsha paytda oʻyinchilar direktori boʻlgan Rangersning sobiq murabbiyi Tom Renni aytgan.
WHLda Medicine Hat Tigers jamoasi bilan oʻynagan Hollweg 2002—2003-yilgi mavsumning koʻp qismini miya chayqalishi bilan oʻtkazib yuborgan. Ammo 2003—2004-yilda 57 ball toʻplashga muvaffaq boʻlgan. U 2004—2005-yilgi mavsumni Hartford Wolf Pack (AHL) jamoasi bilan oʻtkazgan va 239 daqiqa jarima vaqti toʻplagan. Shu bilan birga shafqatsiz hujumchi va vaqti-vaqti bilan oʻyinchi sifatida obroʻ qozongan. U 2005-yilgi draftda New York Rangers jamoasi roʻyxatiga kirmagan, biroq noyabr oyida Hartfordda 7 oʻyindan soʻng, jamoaga chaqirilgan. U yerda Blair Betts va Colton Orr bilan 4-oʻrinni egallagan. Ryan 5 yoshidan beri astma bilan ogʻriganiga qaramay, bu yutuqlarning barchasiga erisha olgan.
Faoliyat statistikasi
Muntazam mavsum va pley-off oʻyinlari
Xalqaro
Manbalar
uz.wikipedia.org