Ruud Vormer
Rudy Willem „Ruud“ Vormer (talaffuzi: Rudi Villem (Ryd) Vormer; 1988-yil 11-mayda Niderlandiyaning Horn shahrida tugʻilgan) gollandiyalik futbolchi, „Brugge“ futbol klubi va Gollandiya terma jamoasi yarim himoyachisi.
Klublardagi faoliyati
Vormer „AZ“ futbol klubining bitiruvchisi hisoblanadi. 2005-yilda u Erediviziya jamoasida debyut qilgan. Oʻzining birinchi mavsumida Vormer Gollandiya kubogining finalchisi boʻlgan. Ryud har doim ham jamoaning oʻyinlarga bormasdi, shuning uchun 2008-yilda u jamoani tark etdi va „Roda“ futbol klubiga qoʻshildi. 30-avgust kuni „Tvente“ futbol klubiga qarshi oʻyinda Vormer yangi klubida debyut qildi. 2009-yil 13-dekabrda „Villem II“ futbol klubiga qarshi kechgan bahsda Rudy Willem „Roda“ futbol klubi tarkibidagi birinchi golini urdi.
2012-yilning yozida, „Roda“ futbol klubi safidagi muvaffaqiyatli mavsumdan soʻng, Vormer „Feyenoord“ futbol klubiga koʻchib oʻtdi. 12-avgust kuni „Utrecht“ futbol klubiga qarshi oʻyinda u yangi jamoada debyut qildi. 1-sentabr kuni o‘zining sobiq jamoasi „Roda“ futbol klubiga qarshi kechgan bahsda Rudy Willem „Feyenoord“ futbol klubi safidagi ilk golini urib, penaltini aniq amalga oshirdi. 2014-yilda u klubga chempionatning kumush medalini qoʻlga kiritishda yordam bergan.
Mavsum oxirida Vormer Niderlandiyadan qoʻshni Belgiyaga joʻnab ketdi va „Brugge“ futbol klubi bilan shartnoma imzoladi. 14-sentabr kuni „Genk“ futbol klubiga qarshi oʻyinda u Yupilligada debyut qildi. 22-noyabr kuni „Waasland Beveren“ futbol klubiga qarshi kechgan bahsda Rudy Willem Belgiya jamoasi safida ilk golini urdi. 6-noyabr kuni Yevropa ligasi doirasida Daniyaning „Copenhagen“ jamoasiga qarshi oʻyinda Vormer oʻzining birinchi xalqaro turnirdagi golini urdi . „Brugge“ futbol klubidagi birinchi mavsumida Rudy Willem Belgiya kubogini qoʻlga kiritdi va bir yildan soʻng mamlakat chempioni boʻldi. 2018-yilda u ikkinchi marta Belgiya chempionligini qoʻlga kiritdi. 2018-yilning 6-noyabr kuni Chempionlar ligasi doirasida Fransiyaning „Monaco“ klubiga qarshi o‘yinda u gol urdi.
Xalqaro faoliyati
2018-yilning 31-may kuni Slovakiyaga qarshi o‘rtoqlik o‘yinning ikkinchi bo‘limida Donni van de Bek o‘rniga maydonga tushdi va Vormer Gollandiya terma jamoasi safida debyut qilgan.
Statistika
Manbalar
uz.wikipedia.org