Russell Peters

Russell Dominic Peters (talaffuzi: Rassl Dominik Piters; 1970-yil 29-sentyabrda tugʻilgan) — kanadalik stend-up komik, aktyor va prodyuser. 1989-yildan Torontoda komik chiqishlar qilishni boshlagan. 2008-yilda Gemini mukofotiga sazovor boʻlgan. 2013-yilda Forbes tomonidan dunyodagi eng koʻp maosh oluvchi komeklar roʻyxatida uchinchi oʻrinda qayd etilgan. Netflixning stend-up boʻyicha maxsus mukofotini olgan ilk komik. Hip-Hop Evolutiondagi (2016) prodyuseligii uchun Peabody mukofoti hamda eng yaxshi sanʼat dasturlari nominatsiyasi boʻyicha Xalqaro Emmy mukofoti qoʻlga kiritgan. Hozirda Los-Anjelesda istiqomat qiladi.

Yoshligi

Peters 1970-yil 29-sentyabrda Kanadaning Toronto (Ontario) shahrida Mumbay (Maxarashtra), Gʻarbiy Hindiston va Kalkutta (Gʻarbiy Bengaliya), Sharqiy Hindistondan Kanadaga koʻchib kelgan (1965-yilda), kelib chiqishi ingliz-hind millatiga mansub Eric va Maureen Peterslar oilasida tugʻilgan. Uning qarindoshlari — katta oilasi Madhya Pradesh shtatidagi Burhanpur shahrida yashaydi.

Peters katolik oilada katta boʻlgan. Menejeri — akasi Clayton.

Shaxsiy hayoti

Peters Kaliforniyaning Los-Anjeles shahrida yashaydi. U yerda ikkita uyi bor. Nevada shtatining Las-Vegas vodiysi va Vaughan (Ontario) kabi joylarda ham uylari bor.

2010-yilda Russell Peters North Peel stipendiyasini taʼsis etgan. Mukofot summasi $21,000 Kanada dollari hisoblanib, qoʻshimchasiga uch yillik kollejda oʻqish harajatlarini qoplab beriladi. Stipendiya har yili Judith Nyman oʻrta maktabini (sobiq Shimoliy Peel) yuqori baholarga bitirgan va kollejda oʻqish niyati boʻlgan oʻquvchiga beriladi.

2022-yil 20-fevralda Kaliforniyaning Dana Point shahridagi Ritz Carlton mehmonxonasida Ali Peters bilan turmush qurdi. Ali Petersning ikki nafar farzandiga otalik qiladi.

Diniy eʼtiqodi

Larriy King Peters bilan suhbat davomida undan soʻraydi: Ortiqcha tabu holatlariga qanday qaraysiz?. Peters javob beradi: Men din haqida gapirmayman, chunki odamlar din haqida mendan boshqacha tushunchaga ega deb oʻylayman, ayniqsa hozirgi kunda. Men eʼtiqodchidan koʻra koʻproq fan odamiman. Men eʼtiqodlardan koʻra koʻproq faktlarga qiziqaman. Peters — ateist.

Manbalar

Havolalar

uz.wikipedia.org