Ruslan Uzoqov
Ruslan Yarkulovich Uzoqov (1967-yil, 6 mart, Navoiy, Oʻzbekiston SSR) — sovet, oʻzbek va rus futbolchisi, himoyachi; murabbiy.
Klublardagi faoliyati
1967-yil 6-martda Navoiy shahrida tugʻilgan. Futbolni oʻzi tugʻilgan shahardagi BOʻYMda boshlagan. Birinchi murabbiyi R.Ibadulin boʻlgan. Keyinroq „Zarafshon“ (Navoiy) klubining oʻquv-mashgʻulot guruhiga (oʻsha paytdagi yoshlar akademiyasi analogi) oʻtib, klubda 1983-yilgacha oʻynagan. Futboldagi profissional faoliyatini 1984-yili „Zarafshon“ (Navoiy) klubi aʼzosi sifatida boshlagan, 1991-yili „Paxtakor“ jamoasiga qabul qilingan.
1992-yil boshida „Torpedo“(Zaporojye) klubiga taklif qilingan. 1992-yil 23-fevralda „Odessa“ga qarshi Ukraina kubogi 1/16 finali doirasidagi uy uchrashuvida zaporijya klubi safida debyut qilgan. Uchrashuvda Uzoqov asosiy tarkibda maydonga tushirilgan va butun oʻyin davomida maydonda harakat qilgan.
1992-yil 7-martda 1-kichik guruhning 1-turida Simferopolning „Tavriya“ jamoasiga qarshi safarda magʻlubiyatga uchragan (0:2) oʻyinda Premer-ligada debyut qilgan. Uzoqov „Torpedo“ libosida Ukraina chempionatlarida 39 ta, Ukraina kubogida esa 14 ta oʻyin oʻtkazgan. 1993-yilning yozida Donetskning „Shaxtyor“ klubiga oʻtgan. 1993-yil 11-sentabrda Ukraina Premer-ligasining 6-turida Odessaning „Chornomorets“ jamoasiga qarshi uy uchrashuvida gʻalaba qozongan (4:1) „Pitmenlar“ safida debyut qilgan. Uchrashuvda Ruslan 75-daqiqada Sergey Yashchenkoning oʻrniga maydonga tushirilgan. Uzoqov „Shaxtyor“ safida Ukraina chempionatida 3ta oʻyinda, Ukraina kubogida esa ikkita oʻyinda maydonga tushgan.
1995—2004-yillarda „Nosta“ (Novotroitsk) sharafini himoya qilgan. 2002-yilgi mavsumda Ruslan „Gazovik“ safida oʻynagan. 2004-yilda 37 yoshda futbolchilik faoliyatini yakunlagan.
Terma jamoadagi faoliyati
1997—1999-yillarda Oʻzbekiston milliy terma jamoasida 3 ta oʻyin oʻtkazgan.
Murabbiylik faoliyati
Futbolchilik faoliyatini yakunlagandan soʻng murabbiylik faoliyatini boshlagan. 2005-yilda „Nosta“ TMTMda bolalar murabbiyi lavozimida ishlagan. 2013-yilning iyulidan 2016-yilning 15-iyuniga qadar „Chelyabinsk“ klubida murabbiy, 2016-yilning 16-iyunidan klub bosh murabbiyi lavozimlarida ishlagan.
Yutuqlari
Manbalar
Havolalar
uz.wikipedia.org