Ruslan Stefanchuk
Ruslan Oleksiyovich Stefanchuk (ukraincha: Руслан Олексійович Стефанчук; 1975-yil 29-oktyabrda tugʻilgan) – ukrainalik siyosatchi, huquqshunos va Oliy Rada raisi (2021-yil oktyabrdan).
Stefanchuk 2019-yilgi Ukraina prezidentlik saylovlarida Vladimir Zelenskiyning saylovoldi kampaniyasining ideologi sifatida eʼtirof etilgan. U 2019-yilgi Ukraina parlament saylovida „Xalq xizmatkori“ partiyasi aʼzosi sifatida (partiya roʻyxatida 2-oʻrin) Ukraina parlamentiga saylangan.
2022-yilda Rossiyaning Ukrainaga bostirib kirishi kuni ertalab Stefanchuk Vladimir Zelenskiyga suiqasd uyushtirilgani haqidagi xabarlar ortidan Mariinskiy saroyiga olib ketildi. Sababi prezident oʻldirilgan taqdirda u mamlakat boshqaruvini oʻz qoʻliga olishi kerak edi.
Biografiyasi
Stefanchuk Xmelnitskiy menejment va huquq universitetida huquqshunoslik darajasini olgan. Shuningdek Xmelnitskiy nomidagi Milliy universitetida ham tahsil olgan. Yuridik fanlar doktori, professor.
U „Ukraina huquqi“ huquq jurnali bosh muharririning birinchi oʻrinbosari.
Oliy Rada deputati Anatoliy Matviyenkoning yordamchisi (2007–2012).
Stefanchuk muxbir aʼzosi. Ukrainada xizmat koʻrsatgan fan va texnologiya xodimi (2017).
U Ukraina prezidenti Vladimir Zelenskiyning 2019-yilgi saylovoldi dasturi mualliflaridan biri. Zelenskiy saylovda gʻalaba qozondi.
Stefanchuk 2019-yil 21-may dan 2021-yil 7-oktabrgacha Ukraina Prezidenti Zelenskiyning Oliy Radadagi (Ukraina milliy parlamenti) vakili boʻlgan.
2019-yilgi Ukraina parlament saylovlarida Stefanchuk parlamentga saylandi (partiya roʻyxatida 2-oʻrin). Uning akasi Mikola Stefanchuk (oʻsha saylovda) 187-sonli bir mandatli saylov okrugidan (Xmelnitskiy viloyatida joylashgan) shu partiyadan saylangan Jami „Xalq xizmatkori“ partiyasi umummilliy partiya roʻyxatida 124 oʻrin va 130 ta saylov okrugi oʻrnini qoʻlga kiritdi.
2019-yil 29-avgust kuni Stefanchuk Oliy Rada raisining birinchi oʻrinbosari etib saylandi.
2021-yil 7-oktabrda Oliy Rada Dmitriy Razumkovni parlament raisi lavozimidan ozod etish uchun ovoz berdi. Ertasi kuni Stefanchuk parlament raisi etib saylandi va 261 Oliy Rada aʼzosi bu tayinlashni qoʻllab-quvvatladi.
2021-yil 15-oktabrda Stefanchuk prezident Zelenskiy tomonidan Ukraina Milliy xavfsizlik va mudofaa kengashi aʼzosi etib tayinlandi.
Manbalar
Havolalar
uz.wikipedia.org