Rumen Radev
Rumen Georgiev Radev (bolgarcha: Румен Георгиев Радев; 18-iyun 1963-yil) — Bolgariya harbiy va siyosiy arbobi, mamlakatning 5-prezidenti (22-yanvar 2017-yildan).
Biografiya
18-iyun 1963-yilda Dimitrovgradda tug’ilgan..
1987-yilda harbiy havo kuchlari universitetini tugatgan.
1992-yilda AQShdagi «Maxwell» harbiy maktabini tugatgan.
1994-1996-yillarda Rakovskiy nomli mudofaa kollejini tugatgan.
Harbiy fanlar doktori. Ingliz, nemis, rus tillarini biladi. 1-darajali uchuvchi.
1987—1998 – Ravnetsdagi 15-qiruvchi samolyotlar aviatsiya polkida kichik pilotdan eskadrilya komandirgacha xizmatda.
1998—1999 – Ravnetsdagi 5-aviabaza komandiri o’rinbosari.
1999—2000 – Graf Igantievodagi 3-aviabaza shtabi komandiri.
2000 — NATO harbiy kurslari tinglovchisi.
2000—2005 - Graf Igantievodagi 3-aviabaza shtabi boshlig’i.
2005-2009 – Graf Igantievodagi harbiy aviabazalar shtabi komandiri.
2009—2014 – Bolgariya harbiy havo kuchlari qo’mondoni o’rinbosari.
2014—2016 – Bolgariya harbiy havo kuchlari qo’mondoni.
Bolgariya sotsialistik partiyasi a’zosi. 2016-yilgi prezidentlik saylovlarida mamlakat prezidentligiga saylandi.
22-yanvar 2017-yilda qasamyodga keltirildi.
Manbalar
uz.wikipedia.org