Rubin Okotie
Rubin Rafael Okotie (talaffuzi: Rubin Rafael Okoti) — 1987-yilning 6-iyunida Pokistonning Karachi shahrida tugʻilgan. Asli nigeriyalik boʻlgan futbolchi Avstriya fuqarosi boʻlib, „Beerschot Wilrijk“ klubi va Avstriya terma jamoasida hujumchi sifatida oʻynaydi. 2016-yilgi Yevropa chempionati ishtirokchisi.
Jamoalardagi faoliyati
Rubin Okotie professional faoliyatini „Austria Wien“ klubida boshlagan. U oʻzining dastlabki ikki mavsumini oʻrinbosarlar jamoasida oʻtkazdi. 2007-yil 5-avgustda Rubin Okotie Avstriya Bundesligasida „Rapid Vienna“ga qarshi debyut qildi. 2008-yil 23-fevralda „Red Bull Salzburg“ga qarshi kechgan duelda u Avstriya terma jamoasi safida ilk golini urdi. 2009-yil 16-may kuni „Altach“ klubiga qarshi duelda Rubin Okotie faoliyatidagi ilk xet-trikini qayd etdi. Oʻsha yili Rubin Okotie jamoasiga Avstriya kubogini yutishda yordam berdi va 14 ta gol bilan jamoaning eng yaxshi toʻpurariga aylandi.
2010-yilda Rubin Okotiening Avstriya bilan shartnomasi tugadi va u Germaniyaning „Nürnberg“ klubiga koʻchib oʻtdi. U Bundesligadagi debyutini 18-dekabr kuni „Hannover 96“ klubiga qarshi oʻtkazdi. 2011-yilda yuqori raqobat tufayli Rubin Okotie Belgiyaning „Sent-Truiden“ klubiga ijaraga oʻtdi. 13-avgust kuni Monsga qarshi oʻyinda debyut qildi. 15-oktabr kuni „Bearshot“ga qarshi duelda Rubin Okotie yangi klubi safida ilk golini urdi.
Xalqaro karyerasi
Avstriya yoshlar terma jamoasi tarkibida Rubin Okotie Polshada boʻlib oʻtgan yoshlar oʻrtasidagi Yevropa chempionatida uchinchi oʻrinni egalladi va bir yildan soʻng Kanadada boʻlib oʻtgan yoshlar oʻrtasidagi jahon chempionatida toʻrtinchi oʻrinni egalladi.
2008-yil 19-noyabrda Turkiya terma jamoasiga qarshi oʻrtoqlik uchrashuvida Rubin Okotie Avstriya terma jamoasi safida debyut qildi. 12-oktabr kuni Chernogoriya terma jamoasiga qarshi 2016-yilgi Yevropa chempionati saralash bahsida Rubin Okotie terma jamoa safidagi ilk golini urdi.
2016-yilning yozida Rubin Okotie Fransiyada boʻlib oʻtadigan Yevropa chempionatida ishtirok etish uchun terma jamoa tarkibiga kiritildi. Turnirda u Vengriya terma jamoasiga qarshi oʻyinda maydonga tushdi.
Shaxsiy hayoti
Rubin Okotie Karachida nigeriyalik otadan va avstriyalik onadan tugʻilgan. 1991-yilgacha u Barcelonada yashab, keyin Venaga koʻchib oʻtgan.
Statistika
Avstriya terma jamoasi uchun gollar
Yutuqlari
Manbalar
uz.wikipedia.org