RS-24 Yars

RS-24 Yars (ruscha: PC-24 „Ярс“, NATO hisobot nomi: SS-29 yoki SS-27 Mod 2 ) – bu Rossiyaning MIRV bilan jihozlangan, termoyadroviy qurolli qitʼalararo ballistik raketasi boʻlib 2007-yil 29-mayda maxfiy harbiy ilmiy-tadqiqot loyihasida soʻngi marta sinovdan oʻtkazilgan.

RS-24 Yars Topol-M bilan bir xil raketadir, bundan tashqari bir nechta mustaqil nishonga olinadigan jangovar kallaklarni (MIRV) tashish uchun oʻzgartirilgan. Har bir raketa 4 tagacha jangovar kallakni olib yurishga qodir, deb hisoblanmoqda, ammo maksimal sigʻim qancha ekanligi haqida maʼlumot mavjud emas.

RS-24 hozirgi RT-2PM2 Topol-M dan ogʻirroq raketa boʻlib, baʼzi maʼlumotlarga koʻra, 10 tagacha mustaqil nishonga olinadigan jangovar kallaklarni olib yurishi mumkin. 2007-yilgi sinovlar Qoʻshma Shtatlar Yevropada joylashtirmoqchi boʻlgan raketa qalqoniga javob sifatida eʼlon qilingan.

Sinovlar

Rossiya hukumati tomonidan taʼkidlanganidek, hozirgi va potentsial raketaga qarshi tizimlarni magʻlub etish uchun moʻljallangan, ICBM birinchi marta 2007-yil 29-may kuni GMT bilan soat 11:20 da Rossiyaning shimoli-gʻarbiy qismidagi Plesetsk kosmodromida mobil ishga tushirish moslamasidan uchirilgan va uning sinov jangovar kallaklari taxminan 5,750 km (3,573 mi) uzoqlikdagi nishonga tushgan.

Plesetskdan Kura sinov poligoniga ikkinchi parvoz 2007-yil 25-dekabrda GMT bilan soat 13:10 da amalga oshirilgan. Sinov muvaffaqiyatli yakunlangan.

Joylashtirish

2008-yil iyun oyida Moskva issiqlik texnologiya instituti bosh konstruktori Yuriy Solomonov RS-24 Topol-M raketasining takomillashtirilgan MIRV ishlanmasi ekanligini eʼlon qilgan.

2009-yil 10-oktabrda ITAR-TASS xabarida yangi SRF qoʻmondoni general Andrey Shvayenko 2009-yil dekabrida mavjud RT-2PM2 Topol-M (RS-12M2) raketa majmuasini qoʻllab-quvvatlaydigan RS-24 ning joylashtirilishini tasdiqlagan.

Bahslar

AQSh Milliy havo va kosmik razvedka markazi NASIC har doim Yars shunchaki Topol M boʻlib, START shartnomasini buzgan deb hisoblardi, bu Mod 2 belgisida ham, SS-27 Mod 1 va Mod 2 ni koʻrsatuvchi rasmlarda ham aks ettirilgan.

Yana qarang

Manbalar

uz.wikipedia.org