Rolls-Royce Ghost
Rolls-Royce Ghost – Rolls-Royce Motor Cars tomonidan ishlab chiqarilgan toʻliq oʻlchamli hashamatli avtomobil. „Ghost“ nom belgisi 1906-yilda ishlab chiqarilgan Silver Ghost sharafiga nomlangan boʻlib, 2009-yil aprel oyida Shanxay avtosalonida eʼlon qilingan. Ishlab chiqarishga moʻljallangan model rasman 2009-yilda Frankfurt avtosalonida taqdim etilgan.
BMW AG bayonotiga koʻra, ichki yonuv dvigateliga ega ushbu avlod avtomobili faqatgina 2030-yilgacha ishlab chiqariladi va bundan maqsad kompaniya keyinchalik faqat elektr bilan ishlovchi modellar ishlab chiqarish niyatida ekanligidadir.
200EX modeli (2009)
"Rolls-Royce 200EX" 2009-yil mart oyida Jeneva avtosalonida namoyish etilgan va Ghost seriyasining umumiy dizayn uslubini koʻrsatib bergan. Hozirgacha seriyaning boshqa modellaridagi dizayn birinchi modelnikidan deyarli farq qilmaydi.
Birinchi avlod
Rolls-Royce Ghostning rasmiy nomi dastlab 2009-yil aprel oyida eʼlon qilingan, seriyaning birinchi avtomobili esa 2009-yilda Frankfurt avtosalonida taqdim etilgan va 2009-yil sentyabr oyida sotuvga chiqarilgan.
1-seriya (2009-2014)
Ghost dizayni Andreas Thurner va Charles Coldham tomonidan ishlab chiqilgan va muxandis Helmut Riedl tomonidan loyihalangan. Helmut Riedl kattaroq model, Rolls-Royce Phantom loyihasiga ham bosh boʻlgan. Dizayn bosqichida RR04 kod nomini olgan Ghost, Bentley Flying Spur va Mercedes-Benz S-Class kabi Phantomga qaraganda ancha arzonroq avtomobillar bilan raqobat qilish maqsadida ishlab chiqilgan.
2-seriya (2014–2020)
Yangilangan 2-seriya Ghost 2014-yilda Jeneva avtosalonida taqdim etilgan.
Galereya
1-seriya 2-seriya Ikkinchi avlod
Ghostning keyingi avlodi birinchi marta 2019-yil 24-yanvarda uzoq kutilgan yangilanish bilan sinovdan oʻtkazildi va 2020-yil 1-sentabrda toʻliq namoyish etildi. Birinchi avloddan farqli oʻlaroq, bu avtomobil sakkizinchi avlod Phantom va Cullinan yoʻl tanlamasi bilan bir xil platformaga ega.
Manbalar
uz.wikipedia.org