Rodion Amirov

Rodion Ruslanovich Amirov (talaffuzi: Rodion Ruslanovich Amirov) (ruscha: Родион Русланович Амиров; boshqirdcha: Родион Руслан улы Әмиров) (2001-yil 2-oktyabrda tugʻilgan, Salavat, Boshqirdiston Respublikasi, Rossiya) — rossiyalik professional xokkey hujumchisi. Rodion Amirov hozirda Milliy xokkey ligasi (NHL) vakili „Toronto Maple Leafs“ xokkey klubi safida faoliyat olib bormoqda. Rodion Amirov 2020-yilgi NHL kirish loyihasida „Toronto Maple Leafs“ xokkey klubi safiga birinchi davrada 15-oʻrindagi tanlov asosida qabul qilingan edi.

Oʻyin faoliyati

Rodion Amirov yoshligida ona shahrining „Salavat Yulaev Ufa“ xokkey klubi tarkibida Kontinental xokkey ligasida (KHL) oʻynagan. Rodion Amirov 2019—2020-yilgi mavsumda Kontinental xokkey ligasida (KHL) "Salavat Yulaev Ufa" klubi bilan debyut qilgan. Ushbu mavsumgacha Rodion Amirov "Toros Neftekamsk" xokkey klubida va Oliy xokkey ligasining kichik filiallaridagi xokkey jamoalarida oʻynagan.

19 yoshli Amirov 2020—2021-yilgi mavsumda "Salavat Yulaev Ufa" xokkey klubi safida 39 ta oʻyinda maydonga tushdi. Amirov ushbu mavsumda 9 gol va 13 ochko jamgʻarib, KHLda 20 yoshgacha boʻlgan xokkeychilar reytingida uchinchi oʻrinni egalladi.

2021-yilning 15-aprelida Rodion Amirov draft klubi „Toronto Maple Leafs“ xokkey jamoasi bilan uch yillik boshlangʻich darajadagi shartnomaga rozi boʻldi. Shundan soʻng, Rodion Amirov Shimoliy Amerikaga koʻchib oʻtdi va 2020—2021-yilgi mavsumining qolgan qismida „Toronto Maple Leafs“ klubining AHL filiali „Toronto Marlies“ xokkey klubi safida maydonga tushdi.

2022-yil 23-fevral kuni „Toronto Maple Leafs“ klubi bosh direktori Kyle Dubas Amirovga miya shishi tashxisi qo‘yilgani va davolanayotgani haqida maʼlumot berdi.

Rodion Amirov

Oʻyin faoliyati

Faoliyat statistikasi

Muntazam mavsum va pley-off oʻyinlari

Xalqaro

Manbalar