Robert Piris

Robert Ayrton Piris Da Motta (talaffuzi: Robert Ayrton Piris Da Motta; 1994-yil 26-iyulda Paragvayning Syudad del Este shahrida tugʻilgan) — paragvaylik futbolchi, „Serro Porteño“ futbol klubi va Paragvay terma jamoasida himoyachi yarim himoyachisi.

Klublardagi faoliyati

Robert Piris „Rubio New“ futbol klubi tarbiyalanuvchisi hisoblanadi. 2010-yil 13-mayda „Sportivo Luqueno“ futbol klubiga qarshi oʻyinda u Paragvay premyer ligasida debyut qilgan. Dastlabki ikki mavsumda Robert Piris asosiy jamoaga qoʻshilmagan va kamdan-kam maydonga tushgan. 2012-yilda u musobaqada gʻolib chiqgan va klubning asosiy yarim himoyachisiga aylangan. 2014-yil 2-oktabr kuni „12 de Octubre“ futbol klubiga qarshi kechgan bahsda Robert Piris „Rubio New“ futbol klubi darvozasiga ilk golini urgan.

2015-yilning yozida Robert Piris „Olimpia“ futbol klubiga koʻchib oʻtgan. 5-iyul kuni „Sportivo Luqueño“ futbol klubiga qarshi oʻyinda u yangi klubi safida debyut qilgan. Oʻsha yili Robert Piris mamlakat chempioni boʻlgan. 2016-yilning yozida Robert Piris „Rubio New“ futbol klubiga qaytgan.

Xalqaro faoliyati

2011-yilda Paragvay yoshlar terma jamoasi tarkibida Robert Piris Ekvadorda boʻlib oʻtgan Janubiy Amerika yoshlar chempionatida ishtirok etgan. Turnirda Robert Piris Chili, Venesuela, Urugvay va Braziliya jamoalariga qarshi oʻyinlarda ishtirok etgan.

2013-yil boshida Robert Pirisda Argentinada boʻlib oʻtgan Janubiy Amerika yoshlar chempionatining kumush medali sovrindori boʻlgan. Turnirda Argentina, Ekvador, Urugvay va Kolumbiya jamoalariga qarshi oʻyinlarda maydonga tushgan.

Oʻsha yilning yozida Robert Piris Turkiyada boʻlib oʻtgan yoshlar oʻrtasidagi jahon chempionatida ishtirok etgan. Turnirda u Mali, Meksika, Gretsiya va Iroq terma jamoalariga qarshi oʻyinda maydonga tushgan.

2016-yilning 28-may kuni Robert Piris Paragvay terma jamoasi safida Meksikaga qarshi oʻrtoqlik oʻyinida debyut qilgan.

2016-yilda Robert Piris AQShda boʻlib oʻtgan Amerika kubogida ishtirok etgan. Turnirda u Kosta-Rika va Kolumbiya jamoalariga qarshi oʻyinlarda maydonga tushgan.

Statistika

Manbalar

uz.wikipedia.org